A ‘Playlist’ di Tempi #3

Inizia nuvembri è ghjunghjini ventu, piossa è frittu. S’accendani i fochi, è i ghjorna filici di i festi di fin d’annu s’avvicineghjani ad appacià i nosci peni.
Quinci, cù Tempi, vi prupunimi una Playlist, com’è sempri fatta di stili varii, par parmittavi di passà u spinu difficiuli di l’iniziu di nuvembri.

Scialletivi !

1. Ghjuvan Lucca Luciani – Sirinatu di Pampasgiolu

A prima canzona hè un veru capu d’opara. In quista versioni, a boci tremenda di Ghjuvan Lucca Luciani supraneghja ancu a versioni urighjinali cantata da Pampasgiolu stissu.

2. Dmitri Shostakovich – Waltz No. 2

Shostakovitch faci parti di i cumpositori maiori di u XXesimu seculu. A valza No. 2 hè un asempiu parfettu di scontru trà mudarnità è iliganza classica, chì ci trasporta ind’i saloni di l’Imperu russi di l’Ottocentu. Quinci tinimi un classicu trà i classichi à l’incruciatura di i monda è di l’epichi.

3. Rob $tone – Chill Bill ft. J.Davis & Spooks (Dir. Alex Vibe)

Bassi putenti è ritmu efficaci. Parfettu par fà sportu o par dassi curraghju dinanzi à un isami.

4. Gustavo Santaolalla – Pajaros

Romantica è dramatica altempu, sta cumposizioni porta u ghjocu argentinu di chitarra à u più altu livellu.

5. KOKOROKO – ABUSEY JUNCTION

Un mischiu armuniosu trà ritmi ispirati da Cuba ed a maistria di l’arnesi di a musica elettronica. Una cumposizioni chì ci ispira un iniziu d’istati ed u tramontu ripusanti di luddu.

Lasciate un cummentu ?

Ce site utilise Akismet pour réduire les indésirables. En savoir plus sur comment les données de vos commentaires sont utilisées.