Fighjulgu,
I cunfini di paroddi
Vadini pieni ‘ll’odii,
È da l’abbrucata rossa
Sbuccia ‘ssu soffiu di mossa.
Parlu,
Quand’esci l’imaginariu
di
Sangu,’llu fondu d’un oriu,
L’assulutu hè parodda
Batteddu svintratu, vodda
Svanita.
Dubiteghju,
Sera ghjisina di ghjornu
Soli hè traccia di scornu
è
parodda sempri stessa
Dumanda ‘lli stiddi ‘ll’essa.
Battu,
Diluviu di foglia bianca
Inchjostru ‘lla piuma stanca
Facini
I marosula lampati
in
milli versa trapanati.
Scrivu,
Paroddi versa surisa
Mari, cilestu chì pisa
Una pittura di neru,
palidu,
Faccia fatta di ferru.
Parchì scriva hè vita
Lotta
Spiranza ;
Vadina spampillanti
Mai asciutta.
Itarnità.
(Illustrazioni : Le gouffre argenté, Magritte, 1926)