Sott’à lumi vigliacchi in custumu
Gonfianu le so voce cum’è vele
Mentre chì un fanale si cunsuma
Cercanu sempre e cità e più belle
Di quelle chì rispondenu à l’appasci
À i ghjochi di l’anime nielle
Sò figlioli è a so mimoria pasce
In i rifiuti di l’amor’ crudele
Catedrale silenziosa di gesti
Sculpita solu per qualchi siconda
In u to core ci piove a cesta
Di a mo teatrina, a mo ghjoconda
Fattu si stà chì nimu a cunnosce
Stu nome ritenutu ùn hè soiu
Chì solu conta u chjassu di a voce
Ch’un scrittu traccia sempre à so modu
A.P.
05/02/2023
Fiura : Penelope Cruz è Pedro Almodóvar durante e riprese di l’Abrazos Rotos, Emilio Pereda/Paola Ardizzoni