Perchè stu rimore putente
Stu ghjacaru ch’abbaghja forte
Perchè stu suspiru è stu pientu
Quand’o mi trovu à a to porta
Perchè tutti li suveniri
Anu u culore di i to ochji
Quandi u sole hè senza spire
À l’ora di fà i fangotti
Perchè st’acquata chì mi schjaffa
Perchè ste saette è sti toni
Tanti misteri è poche chjave
Abbandunate à l’abbandonu
Sò sbandati li mio ricordi
È in u bughju a so scarpata
Coglie per le stradacce torte
Mazzuli di stonde passate
Perchè tuttu què, tuttu u male
Chì mi sò fattu à mè stessu
Per fatta fine ùn sapè quale
Hè ascosu in u mio riflessu
A.P.
21/10/2022
Fiura : Ne pas reproduire, Magritte, 1937