Mancu un’ uchjata nucente
Una parolla ch’appacia
Una ghjurnata piacente
Chì un sole dolce basgia
Mancu più una carezza
Chè sta sbuffulata sposta
À u visu di a tristezza
Cum’è s’era fatta à posta
Fughji luntanu è prestu
I mo bracci calurosi
È mi ferma in imprestu
Solu sti sintimi rosi
A to pella hè acciaghju
Fretu è senza cumpassione
È u nostru u viaghju
Pesa quant’è a passione
Mancu un missaghju sinceru
Dumandu senza risposta
Chì mi franchi da l’addisperu
Soca l’ai fatta à posta
Vai puru, ùn ti ritengu
Ùn ti chergu mancu scuse
È solu in core mi tengu
E mo spiranze dilluse
A.P.
18/11/2021
Fiura di Rose Cesari