Cum’è s’è fussi un rimitu
Prigiuneru frà i muri
Di un amore traditu
Schjavu di e to primure
Cum’è s’è fussi rinchjusu
Frà i to sintimi ritrosi
In a bufeghja cunfusa
Di i ricordi calurosi
Cum’è s’è fussi l’amante
Di i venti scatinati
In a notte, un lacramante
Per i camini spiccati
Cum’è s’è fussi lu trenu
Di e partanze di u distinu
È chì si dà di rimenu
Per ritruvà ti vicinu
Ma si no’ fussimu inseme
Cum’è e labbre appaghjate
Di e mo dilluse speme
Dop’à tante marighjate
Ma si no’ fussimu inseme
Tramindui, s’è tù voli
Francaremu e ghjasteme
Di quelli firmati soli…
A.P.
19/11/2021
Fiura : Le train dans la neige, la locomotive, Claude Monet, 1875