Corse île d’amour : Barbara Carlotti paga un’umaghju à a Corsica in u so nuvellu album

Cantarina d’urighjine corsa, Barbara Carlotti ci prupone un album umaghju suttile è sensibile annant’à a Corsica. Cumpostu di riprese è di canzone di gruppi corsi o annant’à a Corsica, Corse île d’amour hè un prughjettu assai affetivu chì tinia u core à l’artista.

Par via di sta rivisita di u ripertoriu chì hà impastatu a so zitellina, Barbara Carlotti intarrugheghja dinò u so raportu à a so cultura, cumu appruprià si la è cumu l’hè stata tramandata. Cum’una manera, tandu, di dà à a Corsica, à u tarritoriu, à i so amichi. À ciò chì li tene caru cullà.

Annant’à stu dischettu, si trova par un dettu a canzona A strada di l’omu. Pà sta canzona di Canta u Populu Corsu ch’ella ascultava da zitella senza capì ne u missaghju ma chì la cummuvia dighjà tandu, Barbara Carlotti ci dà un’intarpritazione chì ghjunghje da u so core.

Li tinia assai di mustrà chì in la cultura musicale corsa, si truvava meludie è canzone intempurale in lingua corsa, cumposte è cantate da ghjente di quì. Grazia à què, u puntellu trà a so cultura cirnese è u so universu pop anglosassonu s’hè fattu incù asgiu è di manera naturale.

Scopre u so prima single chivi :

Barbara Carlotti – Ici (avec Pierre Gambini) – Radio Edit

Listen to Ici (avec Pierre Gambini) – Radio Edit by Barbara Carlotti.


Si trova annant’à u dischettu nomi famosi in Corsica è in Francia cum’è Izia Higelin, Carmin Belgodere è Pierre Gambini. Pà l’artista era impurtante di fà participà artisti chì a tenenu cara a Corsica è artisti cirnesi, da ch’elli purtessini un antru culore à e criazione pop è pianante di Barbara Carlotti. I mandulini, i cori, e voce impastanu di più st’ambiu mudernu di u caratteru unicu di a Corsica, ma dinò di a spartera è di l’emuzione ch’animeghja stu dischettu.

Ne face un prughjettu musicale dolce d’una ghjustezza bella particulare chì s’ascolta incù piacere è dilettu.

Da scopre annant’à ogni piattaforma di streaming è in ogni butteca di musica à partesi da u 9 d’uttobre. In precummanda annantu à a Fnac.

Lasciate un cummentu ?

Ce site utilise Akismet pour réduire les indésirables. En savoir plus sur comment les données de vos commentaires sont utilisées.