Chì face à u corpu u Coronavirus ?

Eccu ciò chì i scientifichi anu amparatu nantu à cume u novu virus infetta è attacca e cellule è cumu pò affettà l’organi fora di i pulmoni.

Sè i casi d’infezione da u coronavirus si multiplicheghjanu in u mondu è i guverni adopranu misure strasurdinare per limità a diffusione, ci hè sempre assai cunfusione nantu à ciò chì u virus face esatamentu à u corpu di e persone.

I sintomi – febbre, tossa, mancanza di rifiatu – ponu signalà parechje malatie, da a grippa à u cataru cumunu. Eccu ciò chì i sperti medichi è i cercadori anu amparatu dipoi à a progressione di l’infezione causata da stu novu coronavirus – è ciò chì ancora ùn sanu micca.

Cumu stu coronavirus causa l’infezione ?

U virus hè spartutu in gocce trasmesse à l’aria da a tossa o à a sternulata, chì e persone vicinu ponu riceve in u so nasu, bocca o ochji. I particuli virali in queste gocce viaghjanu à a lestra in a parte posteriore di i vostri canelli nasali è in a mucosa in a parte posteriore di a gola, attaccendu à un receptore particulare in e cellule, è cusì principia l’infezione.

I particuli di coronavirus anu pruteini pinzute chì allarganu a so superficia, è queste spine si ganganu à a membrana cellulare, ciò chì parmette chì u materiale geneticu di u virus entressi in a cellula umana.

‘Ssu materiale geneticu principia à svià u metabulisimu di a cellula è dice, da veru a e vostre cellule : « Ùn fatte più u vostru travagliu nurmale. U vostru travagliu avà hè d’aiutà mi à multiplicà mi è à fà torna virus « , hà dettu u duttore William Schaffner, un specialista di malatie infettive in u Vanderbilt University Medical Center in Nashville.

Cumu stu prucessu causa prublemi respiratorii ?

Tandu chì e copie di u virus si multiplicanu, scoppianu e infettanu e cellule vicine. I sintomi spuntanu spessu in u spinu di a gola cun una gola malata è una tossa secca.

U virus dopu « si rastreghja progressivamente in i tubi bronchiali », sicondu à u duttore Schaffner. Quandu u virus raghjunghji i pulmoni, e so membrane mucose diventanu inflamate. Què pò dannighjà l’alveoli o i sacchetti di i pulmoni è anu da travaglià più duru per realizà a so funzione di furnisce l’ossigenu à u sangue chì corre per u nostru corpu è elimineghja u diossidu di carboniu da u sangue per via i u rifiatu.

« Sè vo site inflamatu chivi, hè assai più difficiule per l’ossigenu per nutà attraversu a membrana mucosa », hà dichjaratu u duttore Amy Compton-Phillips, u capimachja ufficiale per u Providence Health System, chì include l’ospitale in Everett, chì hà avutu u primu casu annunziatu di coronavirus in i Stati Uniti, in ghjennaghju.

U soffiu è u flussu scumudatu di l’ossigenu pò causà à queste zone di i pulmoni un pienu di liquidu, pussu è celluli morti. Pneumonia, una infezione in i pulmoni, ponu accade dinò.

Calchì persone anu tantu prublemi per respira chì anu bisognu à esse messu in respiratore artificiale. In i peghji casi, si parla di Sindrome d’Aflizzione Respiratoria Aguta, vale à dì chì ii pulmoni sò cusì carchi à fluidi chì nisuna quantità di sustegnu di respirazione pò aiutà, è u paziente mori.

Chì trajectoria face u virus in i pulmoni ?

Shu-Yuan Xiao, prufissore di patulogia in l’Università di Chicago School of Medicine hà esaminatu i rapporti di patulogia in i pazienti cun coronavirus in Cina. Disse chì u virus pare inizià in u circondu di i dui lati di u pulmone è pò piglia un pocu tempu per ghjunghje à u canale respiratoriu supranu, a trachea è altre aeree cintrali.

U duttore Xiao, chì travaglia dinò cum’è direttore di u Center For Patology and Molecular Diagnostics in Wuhan University, hà dettu chì u mudellu aiuta à spiegà perchè in Wuhan, induve u fuconu iniziò, parechji di i primi casi ùn sò micca stati identificati immediatamente.

U regime iniziale di teste in parechji uspitali chinesi ùn anu micca sempre mustratu l’infezione in i pulmoni periferichi, cusì alcune persone cù sintomi sò stati mandati à casa senza trattamentu.

« O andavanu in altri uspitali per circà trattamentu o stavanu in casa soia è infettavanu a so famiglia », hà dettu. « Questa hè una di e raghjone colpa à quella ci hè stata una diffusione cusì larga. »

Un studiu recente realizatu da un squadra guidata da circadori in l’Icahn School of Medicine à Mount Sinai hà truvatu chì più di a mità di 121 pazienti in Chine anu avutu scans CT nurmali à u principiu di a so malatia. Stu studiu è u travagliu di u duttore Xiao mettenu in luce chì tandu chì a malatia avanza, i tomografi CT mostranu una « Ground Glass Opacity », un tipu di velu nebbiacosu in lochi di u pulmone chì s’incontra in parechji tippi d’infezioni respiratorii virali. Queste zoni opachi ponu sparghje si è infittà si tantu chì a malatia s’aggraveghja, criendu ciò chì i radiologhi chjamanu un mudellu di « pavimentu pazzu » nantu à u scan.

Sò l’unichi urgani tocchi da u virus i pulmoni ?

Un ci hè regula. U Dr Compton-Phillips dice chì l’infezzione si pò sparghje da e mucose, da u nasu finu à u rectu.

Cusì, mentru chì u virus pare à zeru in i pulmoni, pò ancu esse capace d’infettà e cellule in u sistema gastrointestinale, dicenu i sperti. Questu pò esse perchè certi pazienti anu sintomi cum’è diarrea o indigestione. U virus pò ancu entra in u sangue, sicondu à u Dr Schaffner.

I Centri per u Controlu è a Prevenzione di e Malattie dice chì l’ARN da u novu coronavirus hè statu rilevatu in prelievi di sangue è fecali, ma chì ùn hè chjaru sè u virus infettivu pò persistà in sangue o i feci.

Marolla ussea è urgani cum’è u fecatu ponu ancu esse infiamati, hà dettu u duttore George Diaz, capi di sezione per e malatie infettive in Providence Medical Center in Everett, Wash., Chì a so squadra hà trattatu u primu paziente di coronavirus americanu. Ci ponu ancu esse qualchì inflamazione in i picculi canaletti sanguini, cum’è accadutu cù SARS, l’eruzzione virali in 2002 è 2003.

« U virus ghjughjera di sicura in urgani cum’è u cori, u renu, u fegatu è pò causà qualchì dannu direttu à quelli organi », u duttore Schaffner hà dettu. Tandu chì u sistema immunitariu di u corpu mette in ballu un ingranamentu tremende per cumbatte l’infezzione, l’infiammazione chì ne risulteghja pò causà malfunzione di questi organi.

In cunsequenza, certi pazienti puderanu soffre da i danni causati micca solu da u virus, ma da u so propiu sistema immune stessu tandu ch’ellu strazia per cumbatte l’infezzione.

I sperti ùn anu micca ancu ducumentatu sè u virus pò dannà u ciarbellu. Ma i scientifichi chì anu studiatu u SARS anu signalatu nisun’evidenza chì u virus SARS puderia infiltrà u ciarbellu di certi pazienti. Data a similitudine trà SARS è Covid-19, l’infezione causata da u novu coronavirus, un articulu publicatu u mese scorsu in u Journal of Medical Virology sustenia chì a pussibilità chì u novu coronavirus puderia infettà certe cellule nervose ùn deve esse esclusa. 

Perchè certa ghjente si trovanu malati ma a maiò part ùn hà nulla ?

In giru à l’80% di e parsone infettate cù u novu coronavirus anu sintomi spessu ligeri. Ma à u 20 per centu di e persone chì fermanu anu forme più forte è ind’è à pocu pressu u 2% di i pazienti in China, chì hà avutu i più casi, a malatia hè stata fatale.

I sperti dicenu chì l’effetti apparenti dipendenu da quantu forte o debule hè u sistema immunitariu di a parsona. L’anziani o quelli cun prublemi di salute asistanti, cum’è u diabete o una altra malatia cronica, sò quelli chì anu u risicu u più maiò di sviluppà sintomini severi.

U duttore Xiao hà realizatu esami patologichi di dui persone in Cina chì andonu in un uspitale di Wuhan in ghjennaghju per ragione diverse – avianu bisognu di chirurgia per u cancaru di u pulmone in stadiu iniziale – ma chì i so registri anu mustratu chì anu avutu ancu infezione à u coronavirus, chì l’uspitale ùn hà micca ricunnisciutu à l’epica. Nisunu di i cancari di u pulmone di u paziente era avanzatu abbastanza per tumbà lu. 

Unu di quelli pazienti, una donna di 84 anni cun diabete, morse da una pneumonia causata da coronavirus,  i registri l’avaranu dimustratu sicondu à u duttore Xiao.

L’altru paziente, un omu di 73 anni, era un pocu più sanu, cù una storia d’ipertensione chì era gestita bè dapoi 20 anni. U duttore Xiao hà dichjaratu chì l’omu hà avutu una chirurgia riescita per rimove un tumore di u pulmone, hè statu liberatu, è nove ghjorni dopu era vultatu à l’uspidale perchè avia una febbre è una tosse chì era in fattu copla à u coronavirus.

U duttore Xiao hà dettu chì l’omu era statu quasi sicuramente infettatu durante a so prima permanenza in l’uspidale, colpa à l’altri pazienti in a so sala di recuperazione post-chirurgica ch’eranu carchi à coronavirus. Cum’è parechji altri casi, l’omu hà mustratu sintomini respiratori dopu à calchì ghjorni.

A saluta di l’omu s’hè risanata dopu à 20 ghjorni in l’unità di malatie infettiva di l’uspidale. I sperti dicenu chì quandu i pazienti si rimettenu cusì, hè spessu grazia à a cura di sustegnu – drenu di fluidi, sustegnu di respirazione, è altri trattamenti – li parmette di sopravive à i peghji effetti di l’inflamazione causata da u virus.

Cosa i scientifichi ùn sanu ancu di i pazienti cun coronavirus ?

Una bellu pezzu. Ancu sè a malatia s’assumiglia à u SARS in parechji aspetti è hà elementi in cumunu cù a grippa è a pneumonia, u sviluppu di u coronavirus in lu corpu di i pazienti ùn hè ancu capitu bè. 

Certi pazienti ponu stà stabilizati dapoi più d’una settimana è po sviluppà subitu una pneumonia, sicondu à u Dr. Diaz. Alcuni pazienti si parenu d’andà megliu ma ponu sviluppanu sintomini novi.

U duttore Xiao hà dettu chì alcuni pazienti in China si sò rasinati ma sò stati malati torna, forse postu chì u virus avia dannanighjatu i tessuti pulmonarii vulnerabili chì dopu eranu attaccati da batterie in u so corpu. Certi di quelli pazienti finìanu per morre da una infezione barretiana, micca da u virus. Ma questu ùn pare micca causà a maiò parte di i morti.

Altri casi sò stati misteri tragichi. U duttore Xiao conta ch’ellu cunnosce parsunalmente un omu è una donna chì eranu infettatu è chì parianu migliurà si. Epuru, dopu a saluta di l’omu s’hè deteriurata è hè statu uspitalizatu.

« Era in I.C.U., sottu ossigenu, hà mandatu un texto à a so moglia pà dì ch’ellu andava megliu, avia un bellu appetitu è tuttu », disse u Dr. Xiao. « Ma tandu a sera dopu, hà cessatu di riceve texto da ellu. Ella ùn sapia micca ciò chì era accadutu. È à 22 ore di sera, hà ricevutu un avvisu à l’uspidale chì avia passatu ».

Traduzione di l’articulu : “What Does the Coronavirus Do to the Body?“ ;  Pam Belluck, New-York Times u 12 di marzu 2020

Lasciate un cummentu ?

Ce site utilise Akismet pour réduire les indésirables. En savoir plus sur comment les données de vos commentaires sont utilisées.