I gesti boni chì salvanu a ghjente :
- Lavate vi i mani
- Tussate è sternutate in lu vostru govitu
- Rispitate un metru di distenza frà di voi
- Firmate in casa vostra
- Ùn andeti micca à vedi i vostri anziani
- Dite vi bonghjornu senza tuccà vi
20/03/20 : Un battellu di l’armata in Aiacciu, 627 morti in Italia
U portu-elicotteri anfibiu Tonnerre, di a marina naziunali sarà mandatu in i ghjorni à vena in Aiacciu par aiutà l’ivacuazioni di i malati serii di u Covid-19.
A cuncentrazioni di i casi in Aiacciu hè impurtanti cù più di 80% di l’infettati (testati).
In Italia, hè un “record” sinistru : 627 morti in una sola ghjurnata. Hani par avali una tassa di murtalità di 8.3%. Cù una pupulazioni vechja, sò di più ispusati cà i paesi “ghjovani”. A demografa Jennifer Downd, in una publicazioni par u Forum icunomicu intarnaziunali, rileva chì c’hè “una interazzioni putenta trà demugrafia è murtalità cù u Covid-19”. Di più, u paesu hè statu tuccatu à l’iniziu di l’epidemia, è l’autorità sanitarii ùn erani ancu priparati à una crisa cussì impurtanti.
A prissioni estrema nantu à u sistema di saluta, principalmenti in Lombardia, hè dinò – sicondu à parechji analisti – una causa di l’aumentu di a murtalità.
Eccu un tavuloni nantu à l’epidemia in Italia, in stu 20 di marzu di u 2020.
17/03/20 : A Chloroquine par guariscia u Covid-19 ?
U Pr. Raoult di l’IHU di Marsiglia hà cummunicatu i risultati di una prova cù a Chloroquine, usatu contru à a Malaria, è dinò cù un vechju antibioticu, l’AZT, usatu tempi fà contru à u VIH. Eccu i grafichi di i so risultati, nantu à 24 malati. Pensanu à giniralizà queste prove in altri spidali par vede s’è nantu à un gruppu significativu in termini statistichi i risultati sò i stessi.
