5 acconti instagram antidepressori pà quelli chì tenenu a Corsica caru

In stu mese di farraghju u tempu fretu fretu. Natale hè passatu, u veranu hè sempre luntanu è pà quelli chì sò soli a San Valentinu hè un ghjornu cum’è l’altri induva omu annega a so solitudine in lu vinu davanti a una seria Netflix.

Mà ùn vi ne state micca culuschiacciatu ! Pà fà vultà a gioia in lu vostru core, vi prupunimu oghje cinqui acconti Instagram chì vi farà vultà u murale subitu !

#1 WildCorsica 

S’elli vi piacenu i paisaghji salvatichi è muntagnosi di Corsica, Wild Corsica prupone ritratti di spassighjate in l’Alta Strada di Cirnu. D’istate o d’inguernu, ci portanu incun elli annantu à i chjassi i più belli è piacerà di sicuru à l’amatori di a natura.

#2 Liviu_p2a

Sempre in lu mondu di a futugrafia, stu contu ci prupone ditagli di a natura isulana. U so travagliu annantu à e materie ci mostra a diversità tremenda di sta tarra impastata da l’acqua a putenza, da u ventu l’acrezza è di flora a cumplessità.

#3 A passione di i cursini

Sicura, internet hè u reame di i ghjatti, eppuru annantu à stu contu Instagram, ghjè a bellezza di i cani nustrali ch’hè ludata. Scopre ognitantu i musetti di sti cursinucci annantu à u so filu hè una vera cura pà quelli chì facenu u musu…

View this post on Instagram

O'Nustrale et Ode di Pietre Bianche.

A post shared by A passione di I Cursini (@apassionediicursini) on

#4 Video_Corsica

Isiè, Cirnu vulia dì “a più bella” in grecu è ghjè vera chì i paisaghji Corsi sò tremendi. Ghjè pà quessa chì u contu Video_Corsica ci prupone TimeLapses di parechji lochi di Cismonte è di a cità di Bastia

#5 Domaine_a_Perraccia  

Ùn si pudia parlà di curà a depressione senza trattà di vinu ! Annantu à u contu di u duminiu A Peraccia, vidarete ritratti di u duminiu, di a pruduzzione. Da suvità pà l’amatori di vinu è d’agricultura !

Lasciate un cummentu ?

Ce site utilise Akismet pour réduire les indésirables. En savoir plus sur comment les données de vos commentaires sont utilisées.