Pasquale Paoli nantu à a tarra di u cinemà

Nuvembri di l’annu 1931, hè inauguratu u bateddu “Pascal Paoli”. Lanciatu da i venti, varca lu Meditarraniu purtendu nant’à u ponti soiu, u visu ch’iddu raminta, imprista è stima: u Ginirali Pasquale Paoli. Esaltatu in sti tempi chivi, è ligatu à lu visu di Nabuliò oramai, chì l’inaugurazioni di sta via maritima nova trà Aiacciu è Marsiglia ghjova à fà la prumuzzioni d’un ligamu storicu è ideologicu cù a Francia. Tandu u Pascal Paoli pidda i marosuli, alluntendusi di l’isula. Ma sta navi, custruitta trà l’epica di i dui Guerri Mundiali sinificheghja d’altri cosi. L’eredi di i Lumi hè purtatu fora di i costi corsi. Una volta di più, hè tramandata a mimoria di l’omu ch’hè statu à l’iniziu di a lotta contru à a Republica di Genuva, di a nascita di a Custituzioni corsa, è di a Rivuluzioni di 1755. Issa ultima rivuluzioni piddaia i so surghjenti vint’anni nanzu, mentri l’ottu di dicembri di l’annu 1735. A Festa di a Nazioni ni cunsarvarà u ricordu.

Tramezu à i dui Guerri Mundiali, stondi di cunflitti intarnaziunali, u Pascal Paoli hà sciumatu u mari. Navighendu da a Corsica à a Francia facia viaghjà l’arti ed i ciarbeddi fora di l’isula com’è nanzu, è purtaia l’imaghjina cunnisciuta di u libaratori contru à i forzi Genuvesi, quiddu ch’avia cruciatu calchì tempi i destini inglesi è corsi.

Tandu u so destinu propiu ùn fù micca sminticatu da a tarra di u cinemà. Rinasci in 1927 par a prima volta in Parigi, quandu fù ghjucatu u capu d’opara “Napoléon” d’Abel Gance.

B8A958B8-06DA-428E-89EF-618030DC0CEB.jpeg

Affaca nant’à a tela un parsunnaghju tintu d’irunia, cù i so tratti invechjati, una prima raprisintazioni chì, in somma, ùn si scurda tantu di i scritti storichi chì faciani di Paoli u nimicu scuru di Nabuliò. Eppuru, a raprisintazioni di u ginirali si hè vulsuta fida à a pittura di l’inglesi William Beechey ch’hà resu u so visu cunnisciutu da tutti, l’attoru s’assumidda assai à u ritrattu. Di più sò stati mintuati elementi biugrafichi, in sta prima missa in scena, com’è u ricordu ‘llu so viaghju fora di Corsica.

BFBB36F7-84E7-4E54-9BCA-E0771E3E5438.jpeg

Archivi di stampa di a BNF

Più tardu, l’imaghjina di Paoli labaratori di u populu, luttendu contru à u reghjimu francesu hè stata rinfurzata cù i tempi di u primu Riacquistu, dopu à a Prima Guerra Mundiali, a so mimoria hè festighjata mentri i Merendeli di Murusaglia cù i fundatori ed i scrittori di A Muvra. Hè divintatu a rifarenza di a resistenza corsa contru à a pulitica fascista ed irredentista. Infini, l’imaghjina di Paoli hè colma di paradossi à l’epica di l’affirmazioni di u sintimu patrioticu è di a cultura pulitica, chì circani menu a rialtà di l’omu chì un eroi da fà intrà in lu rumanzu naziunali ‘lli Corsi.

Oghji, forsa chì l’imaghjina di Paoli, duvaria essa ramintata cù a so fidelità storia

Un articulu scrittu da Valécien Bonnot-Gallucci, traduttu in corsu.

Lasciate un cummentu ?

Questo sito usa Akismet per ridurre lo spam. Scopri come i tuoi dati vengono elaborati.