A ‘Playlist’ di Tempi #1

In st’iniziu d’uttrovi, allora chì si rendini prestu alla notti i ghjorna più freschi, vi prupunimi una scelta di 5 musichi di stili varii par chjariscia appena i vosci dopumeziornu di bughjura.
Scialletivi !

1. Pachanga Boys – Time
Quindeci minuti d’alta qualità, di house senza pritinzioni, circhendu sopratuttu armunii ind’i custruzzioni ciclichi è nivulosi.

2. John Carpenter – Night
Fendu parti di i scelti musicali di u filmu Bacurau, thriller brisilianu rializatu da Kleber Mendonça Filho e Juliano Dornelles, si rivela chivi a putenza di a musica par crià tinsioni – una musica da senta torna, è un filmu da veda.

3. Kyuss – Space Cadet
Un ghjocu di chittara è di bass acustica tremendu, prubabilmenti trà i cumpusizioni i più talentuosi impegnendu stu tipu di furmazioni musicali.

4. Maurice Ravel (cumpositori)/François-Philippe Barbolosi (intarpretu) – U Mere Pastore
Ind’i so prima anni, Maurice Ravel ghjunsi in Corsica, è racolsi parechji canti tradiziunali par mittali in musica. Vi prupunimi chivi l’intarpretazioni di u talentuosu François-Philippe Barbolosi, arrighjistratu ind’u 1997 in Bastia ind’a chjesgia Saint Nom-de-Marie da Stéphane Giannechini.
Sta pratica, d’andà à racodda canti tradiziunali, era assai cummuna à l’epica, è si ritrova par asempiu in Auvergna, canti missi à l’unori à sittimana scorsa ind’un cuncertu à l’Invalides in Parigi.

5. Brian Jonestown Massacre – Anemone
Un viaghju ind’u rock califurnianu di Brian Jonestown Massacre, assai inspiratu in sta cumpusizioni di i muvimenti artistichi di l’anni sittanta, di i sunurità psichedelichi è di un certu spiritu « Woodstock ».

Lasciate un cummentu ?

Ce site utilise Akismet pour réduire les indésirables. En savoir plus sur comment les données de vos commentaires sont utilisées.