Lungòni : riacquistà si a cultura cummuna trà Corsica è Gallura

Dopu à 25 edizione riesciute, u premiu di puesia Lungòni ùn si prisenta più. Accampatu in Santa Teresa di Gallura, issu cuncorsu parmette à pueti Corsi è Sardi, ghjovani o micca di mandà i sò puema da vince un bellu premiu è d’intratene a lea trà l’isule surelle.

Una manifestazione culturale corsa è sarda

Ogni annu dapoi u 1994, una ghjuria di scrittori Corsi è Gaddhurési s’aghjunghje è prupone di premià i più belli puema sottumessi à a so lettura. Ch’elli fussini in versi o nò, tutti i testi menu longu cà 40 ligne ponu esse premiati.

Da l’ottu à u 18 anni, ci hè una categuria pà i ghjovani scrivani chì u prima premiu sarà rigalatu da 200 euri. Ma fora di quessa, ghjè una bell’uccasione di scrive in lingua corsa è d’avè a so puesia publicata in u raccoltu publicatu ogni anu da u premiu.

Duie culture intrecciate da una storia cumuna 

A storia trà l’isule surelle hè da veru leata è i flussi di pupulazione trà di elle assai anziani. In tantu, si dice di a Gallura, à u nordu di a Sardegna ch’ell’hè Corsa. Per u XVIIIesimu seculu, a Gallura vittima da un’epidemia di pesta tremende hè stata pupulata da parechji corsi, par un dettu, a casata Cossu saria una surfmatura di « Corsu » cum’elli eranu chjamati l’imigranti cirnesi di l’epuca.

In lu so articulu « Continuum dialectal et ruptures linguistiques : “prendre les langues au vol” «  Marie-Josée Dalbera-Stefanaggi è Jean-Pierre Lai, mostranu chì a lingua Corsa ùn si parla micca sin’à u mare è basta, mà cuntinueghja fràmezzu à a Gallura sin’à u Logudoru. Chjamanu tandu issu spaziu linguisticu un « Cuntinuum Corsu è Sardu ».

Participate !

Sin’à u 23 di Nuvembre, t’aveti l’upportunità di mandà e vostre criazione à l’urganisazione di Lungoni. E puesie devenu esse mandate à l’indirizzu mail info@comunestg.it incù cum’ughjettu : ” PREMIO DI POESIA “LUNGÒNI 2019” “. Hè racumandatu di mandà dui cartulari pà travagliu prupostu mentre quali :

  • Un ducumentu .doc anunimiu incù u titulu, l’opera è a sezzione à quella vuleti participà
  • Un ducumentu cumpletu incù u titulu, l’opera, i nome è casata di l’autore, locu, data, l’indirizzu è l’infurmazione mail è telefonu. U ducumentu deve esse à u furmatu .pdf

Pà i maiò di più di 18 anni ch’ì scrivenu in corsu, u primu premiu vinciarà 700 euri incù a rincumpensa “Jean Baptiste Stromboni”

Allora francate puru u passu, pigliate a penna è prupunite e vostre criazione à issu premione chì mantene a fratellanza trà u paese di Cirnu è la Sardegna !

Chivi, u libracciolu di u premiu Lungoni 2018 – locandina bando

Lasciate un cummentu ?

Ce site utilise Akismet pour réduire les indésirables. En savoir plus sur comment les données de vos commentaires sont utilisées.