Basta ch’ella sia straniera
Per abbraccià li so silenzii
Per vede a vita menu nera
Quand’ell’hè l’ora d’i licenzii
Basta ch’ella sia straniera
Per scopre mondi in lu so visu
È cù e to labbre in sichera
Tuccà e soie d’indecisu
Straniera
Ùn sai quale sò
Straniera
À i passi ch’ùn sò
Straniera
O diseu d’altrò
Basta ch’ella sia straniera
Per circà stelle in u so sguardu
È stà si l’alma prigiunera
À a so pelle, sole caldu
Basta ch’ella sia straniera
Per rifà passi sott’a luna
È inventà torna una sera
Cum’una passione cumuna