U bascigliè in quarta vitezza.

U bascigliè 2019 hà riservatu surpresi.

700 à 3000 prufessori si sò dichjarati grevisti, ricusendu cusì di curreghja 126 000 copii. A cunsequenza hè stata un ordini podassi fora di a leggi.

A storia tremenda s’hè passata in tutta a Francia, è, in particulari, in un liceu versu à Créteil.

Una cunsegna hè stata data da u ministru di l’educazioni, Jean-Michel Blanquer : pà i copii chì sariani vinuti à mancà, i prufissori sò invitati à circà i noti di l’addevi annantu à l’annata di tarminali.

U prublemu era chì certi prufissori grevisti ùn aviani micca cumpletatu i quaterni di noti di l’addevi in quistioni.

I parsunali amministrativi sò stati ubbligati à telefunà ad altri licei pà avè l’infurmazioni di i noti di ogni addevu mancanti. Longu u travaddu.

Ma sarà murali di fà greva u ghjornu di a currezzioni di u bascigliè ?

Pà l’addevi in attesa di risposta di Parcoursup, forsa bluccati.

Pà i parenti in attesa di i risultati.

Pà i parsunali amministrativi in surcarica di travaddu, bluccati anch’eddi.

Mà sara legali di praticà a valutazioni à l’annata prima di a riforma di u 2021 ?

Ùn hè micca ghjustu, di sicuru.

Pà una sola raghjoni : pinseti à un ziteddu chì t’hà una media bassa in una materia di liceu. Riesci à i so esamini ma ùn sò micca presi in contu. Un altru ùn riesci micca à i so esamini ma riesci ad avè boni noti durant’à l’annata.

U primu hè à u rattrapage, u sicondu hè sceltu. Inghjustizia tremenda.

« Ce n’est pas possible. On n’a pas fait ça. » hà dittu un pruvisori di liceu di a righjoni di Créteil.

È isiè, l’ani fattu, podassi fora di leggi. Ma l’ani fattu, sottu à l’ordini.

Drôle de bac, diciarani certi.

Val’à dì chì i copii curretti ùn rapportani guasgi nudda à i currettori, massimu €5/copia. Impediscia a bona tinuta di i provi hè una manera di fà capì à l’alti funziunarii chì qualcosa và podassi mali ind’a riforma di u bascigliè 2021. Issa riforma vedi a suppressioni di i filieri ES, S è L à u prufitu di upzioni scelti da i ziteddi à l’intrata in siconda. Incù certi classi di liceu surcaricati, ziteddi avendu u caldu, si pò ancu capiscia l’esasperazioni di i parsunali insignanti di pettu à l’inghjustizii.

Ma si pò capì chì dà noti arbitrarii à l’addevi laureati di u bascigliè ne hè una ancu di più tremenda.

Boire ou conduire, il faut choisir ?

Le bac à l’ancienne ou un bac modernisé, il faut aussi choisir !

Crudeli dilemma.

Lasciate un cummentu ?

Ce site utilise Akismet pour réduire les indésirables. En savoir plus sur comment les données de vos commentaires sont utilisées.