Puesia in Umagiu à Prete Dumenciu Carlotti

Dopu à l’articulu umagiu à Prete Dumenicu Carlotti , sta sittimana , li femu torna un’unore cù sta piccula puesia

À voi scrittore corsu

ed à cantu, lu Signore

è senza qualchì rimorsu

scrivend’ à lu vostru unore

da rendevi la ghjustizia

è salutà la mimoria

 

In le prigione francese

V’hanu purtatu cù forza

Cù la ghjustizia , l’arnese

Chì c’areche la miseria

Fendu tutti li prucessi

Falsi, à li corci preti

 

È quella suttana nera

Inbianchita d’istatina

Oghjene ùn ci hè manera

Di vedela in sta ghjesgia

Luntana da la Corsica

In li muri di Marseglia

 

Di lu nome Dumenicu

Di la casata Carlotti

Prifirendu à Martinu

Par appinzane li pali

Incantate lu Populu

Cù le fole è li raconti

 

Oghje qui nant’à stu fogliu

Cù la musa la più fina

Di lu sugettu ne vogliu

Fanne nasce la rima

E rendevi un umagiu

Voi omu di curagiu

 

Ed à cant’à lu Signore

Voi, lu so servitore

È tutti li vostri fideli

Di la Muvra li pueti

Lu Populu Corsu mai

Nun si scurdarà di voi

Lasciate un cummentu ?

Ce site utilise Akismet pour réduire les indésirables. En savoir plus sur comment les données de vos commentaires sont utilisées.