À l’usciu

Sopr’à u mare vola

A to stampa sicreta

Chì n’ùn mi lascia solu

Quandu l’ora ùn hè cheta

È ‘ssu cantu d’argentu

Chì franca e mo cunfine

È corre incù u ventu

D’un trattu senza fine

‘Ssu silenziu chì balla

In fondu d’a mimoria

È a to manu calla

Ch’imbriaca a mo storia

U mo battellu persu

Per l’onde d’a to pelle

È ‘ssu core spapersu

Pè ‘sse stese ribelle

I ghjorni, mare scemu

Di stonde è di marosi

Di pettu à l’ore, stemu

Ancu in tempi affannosi

Chì ferma in la mo mente

A fiura di ciò chì semu

À l’usciu d’i ramenti

Da dì ciò chì saremu…

Illustrazione : Variation de la Victoire di Magritte (1965)

Lasciate un cummentu ?

Questo sito usa Akismet per ridurre lo spam. Scopri come i tuoi dati vengono elaborati.