Capì u Putinisimu

Vladimir Putin. Un nome chì fà cambià di culore u sangue di i so aversarii giupulitichi è l’opposizione russa è chì dà u surisu à i so ammiratori in paese è in altrò. Frà mudellu per un Occidente in piena « decadenza » è capigenerale di u populisimu è naziunalisimu in Auropa di u Punente, stu persunaghju intarruga l’usservatori internaziunali. Distruzzione di l’Unione Auropea, di i ligami post-Siconda Guerra mondiale frà l’Auropa è i Stati Uniti ? Ritruvà a so piazza di superputenza cum’è tempi fà ? Chì vole a Russia di u Csar novu di a Russia postsuvietica ? Cosa hè u Putinisimu ? piccula introduzzione.

Capì, l’ambiente di a Russia

Fonte : n°57 de Questions internationales. (pichjate nantu à u ritrattu per u ligame)

Ciò chì si pò usservà incù sta carta di l’ambiente giupuliticu di a Russia hè chì u paese hè inchjerchjatu da grande putenze incù una forta capacità militare, ed ecunomica. Ci hè l’Unione Auropa à u punente, a China à u meziornu ed i Stati Uniti à u nordu è a u levante. U paese evulueghja in un ambiente ustile per parechje ragione :
L’Unione Auropea hà da duvintà una superputenza s’ella s’unificheghja in una federazione. A China hè una superputenza ecunomica è u so PIL hè 10 volte più impurtante chè quellu di a Russia è i Stati Uniti sò un aversariu storicu di a Russia in u Nordu è in Auropa.

Allora u scopu di u Putinisimu pare chjaru : ci vole à rinfurzà a Russia perch’ella sia pronta à oppone si di pettu à tutte isse putenze è ci vole à divide i nostri aversarii perch’elli ùn sianu uniti di pettu à noi. Ci vole dunque à fà tuttu per rompe i ligami frà i Stati Uniti è l’Auropa per ch’elli sianu più debuli. Putin sà ch’ùn hè pussibile d’oppone si di pettu à i Stati Uniti è l’UA à u listessu mumentu ma si pò forse vince una guerra freta s’elli ùn sò alleati. Capimu allora perchè tutti i sforzi diplumatichi di a Russia sò cuncentrati ingiru à una disunione di l’Urganisazione di u Trattatu Atlanticu Nordu (UTAN) ma dinù ingiru à una dislucazione di l’Unione Auropea perchè i Stati membri di l’Unione sianu più debuli.

Per realizà stu prughjettu di longu andà, ci vole ardigni di prupaganda muderni è efficaci : Media, ghjurnali, partiti pulitichi, disinfurmazione di massa, corruzzione, cumprumissione è ricattu di pulitichi. Grazia à i partiti anti Unione Auropea di manca è di diritta chì interessanu à Russia dapoi l’anni 2000, l’imperu di Putin sà chì ci vole à aiutà, à u livellu finanziariu, quelli partiti cum’è Debout la France, u Rassemblement National è l’altri. Aldilà di u fattu chì sti partiti volenu distrughje a custruzzione auropea, affannà e demucrazie è impone un ambiente pessimistu in i paesi intarissanti per a Russia. E nostre sucietà occidentale ùn sò state cusì in crisa cun l’emergenza di quelli partiti pulitichi.

Ci sò dunque perechji scopi per a Russia di Putin. In cortu andà, u paese cerca cun i so media di prupaganda cum’è Russian Today o Sputnik à dà di a Russia una figura pusitiva per i populi d’Occidente. U discorsu ufficiale hè di mustrà chè a Russia hè a salvatrice di i valori tradiziunali di un Occidente in piena decadenza, minacciata da u terrurisimu, è di l’islamisazione di l’Auropa.

In mediu andà, u paese vole addibulì l’alleanza frà l’UA è I Stati Uniti impunendu un ambiente di guerra civile in e sucietà occidentale, u putinisimu circa à divide a ghjente per megliu duminà li. È infine, l’ultimu scopu, in longu andà, è u più difficile, hè di fà cascà l’UTAN è l’UA per sminuì u so inchjerchjamentu da e superputenze.

Per sapenne di più : https://www.franceculture.fr/emissions/affaires-etrangeres/affaires-etrangeres-du-samedi-01-decembre-2018 (emissione in francese, 58minuti)

Lasciate un cummentu ?

Ce site utilise Akismet pour réduire les indésirables. En savoir plus sur comment les données de vos commentaires sont utilisées.