Antigona – Jean Anouilh #2

Par leghja a prima parti di a pezza, da cliccà chivi:  ANTIGONE PARTI 1

Ismena
Sè ghjà arrizzata ? Vengu da a to camara.

Antigona
Iè, sò dighjà arrizzata.

A Balia                                                                                                                                                     I dui insembiu allora !… Aveti da essa scema è arrizzavvi nanzu à i servi ? Pinseti ch’iddu hè bonu d’essa arrittu di matina senza avè manghjatu, ch’hè currettu par i principessi ? Seti scuperti di più, sareti malati.

Antigona
Basta o balia. A friscura ùn ci n’hè ti dicu ; semi ghjà d’istati. Vai à fà u caffè. Si posa, stanca subbitu. Vulariu un pocu di caffè par piacè o bà.

A Balia
A me culomba ! Si senti mali è faciu a sciocca senza dà a sta zitedda qualcosa di caldu. Sorta prestu prestu

Ismena
Sè malata ?

ANTIGONA
Ùn t’inchiità, ghjustu un pocu di stanchezza. (surridi). Parchì mi sò arrizzata à l’alba.

ISMENA
Eiu dinù, ùn aghju durmitu

ANTIGONA surridi torna
Ci voli à dorma. Osinnò ùn sarà più bedda dumani.

Ismena
Un faci scherza par piaceri.

ANTIGONA
Un hè un scherzu. Sò felici chì tù sighi bedda sta mani. Quandu eru chjucca eru assai adisperata, ti ramenti ? T’imbruttaiu di tarra, ti mittiu i larvi in u coddu. Una volta, t’aghju appicata à l’arburu è t’aghju taddatu i capeddi, i to beddi capeddi. (acarrizza i capeddi d’Ismena). Forsa si pensa menu sbaticchezza incù sti beddi biocculi lisci è arranghjati intorn’à a testa !

Ismena
Parchì cambii di sughjettu ?

ANTIGONA, incù dulcezza, senza frinà di carrizzà i capeddi.
Un cabiu di sughjettu…

Ismena
Antigona, aghju pinsatu assai

ANTIGONA                                                                                                                                              Iè.

ISMENA
Aghju pinsatu a notta sana. Sè scema.

ANTIGONA.
Iè.

ISMENA
Un pudemu micca.

ANTIGONA, dopu un silenziu, ‘lla so piccula voci
Parchì ?

Ismena
Creonu hà da ammazzaci.

ANTIGONA
Di sicura. Chì ogni voli tena a piazza soia. Iddu, devi amazzaci, è noi, avemu da intarrà u nosciu frateddu. L’atti sò stati sparti cusì. Osinnò chì pudemu fà ?

Ismena
Un vogliu micca morì.

ANTIGONA
Eiu dinò, m’avaria piaciutu di campà.

ISMENA
Ascolta, aghju pinsatu a notta sana. Socu a suredda maiò, tandu pensu ancu di più, tù, faci ciò chì ti passa par u ciarbeddu, i sbatichezzi dinò. Eiu sò più serena, rifliteghju.

ANTIGONA
Un ci voli micca à pinsà troppu certi volti

ISMENA
Ti sbagli Antigona. A l’iniziu, ghjè spaventosu, è pienghju u nosciu frateddu dinò, ma capiscu un pocu u nosciu ziu.

ANTIGONA
Eiu, ùn vogliu micca capì un pocu.

ISMENA
Ghjè u rè, iddu moscia l’esempiu.

ANTIGONA
Eiu ùn socu micca u rè, ùn possu dà l’asempiu eiu, ciò chì passa in u ciarbeddu ‘lla chjuca Antigona, a mastarucula, l’intastarda, a maladetta, è dopu a lasciemi, perza in a camera viota, in lu fondu d’un taffonu. Ghjè bè fattu par idda, chì si hè ribellata !

ISMENA
Basta ! Basta ! Incù i to ciddi aghjunti, u to sguardu dirittu è dopu ti lampi senza ascultà nimu. Ascolta mi, Aghju raghjò più suventi.

ANTIGONA
Un vogliu micca essa raghjunata.

ISMENA
Prova à capì, almenu !

ANTIGONA
Capì… aveti sta parola sola in bocca, dapoi chì socu chjucca. Ci vulia à capì chì l’acqua ùn si tocca, l’acqua linda fughjilenda è fresca parchì abbacia u solu di marburu, à a tarra parchì imbrutta i pagni. Ci vulia à capì ch’ùn si pò manghjà tuttu d’un colpu, dà tuttu ciò ch’avemu in i bunetti à u disgraziatu scuntratu, corra, corra in lu ventu sin’à fallà in tarra è bia in a caldura è bagnassi quand’ùn hè micca l’ora, ma mai quandu n’avemi u laziu ! Capì, sempri capì, capisciaraghju quandu saraghju vechja. Micca avali.

ISMENA
Hè più fortu chì noi, Antigona, ghjè u rè. E a cità sana pensa com’è iddu. Sò millai è millai intorn’à noi, brulicanti in i carrughja di Teba.

ANTIGONA
Un ti sentu micca.

ISMENA
Saremi inghjacarati. Saremi achjappati da milli bracci, milli facci è un sguardu unicu. Ci stuparani à u visu. Avanzaremi in l’osa nant’à u carettu incù i so odori è i risi sin’à u supliziu. E chivi ci sarà i guardiani incù a so testa di catinu, infiammati nant’à i coddi di casmisgia, i so mani brutti, i so sguardi di boiu. Ci senti chì pudaremu mughjà sempri, pruvà à fà li capì ch’iddi sò i negri, i schiavi tenuti è cumandati chì rispitani l’ordini, senza cuscenza di ciò ch’hè bè o mali … E soffra ? Ci vularà à soffra, senta u doluri cresca sin’à insupportevuli, ma ùn pò smarrì, aumenta sempri, com’è una voci acuta… Oh ! Un possu più…

ANTIGONA
T’ai pinsatu bè!

ISMENA
A notta sana. E tù dinò ?

ANTIGONA
Iè, di sicura.

ISMENA
A sai ch’ùn socu micca curaghjosa eiu.

ANTIGONA
Ed eiu, ancu di menu. Ma ùn hè impurtantu.

Un silenziu, Ismena dumanda subbitu :

ISMENA
Parchì ? Un voli micca campà ?

ANTIGONA
A vulintà, ùn l’aghju più. Quali s’arrizzaia a prima, a mani, par senta l’aria fresca nant’à a so pella nuda. Quali s’addurmintaia di stanchezza, par veda a notta ? Quali pienghjia dighjà, chjuca, pinsendu à l’insetti è a l’erba di u pianu ch’ùn si pudia piddà ?

ISMENA
A mo suredda cara…

ANTIGONA
Innò ! lascia mi ! Un ci cumpienghjemu micca insembiu avali. T’ai pinsatu, dici ? Pensi chì a cità mughjendu contr’à tè, pensi chì u dolori è a paura di smarrì abbastanza ?

ISMENA
Iè.

ANTIGONA
Allora usa di sti pretesti.

ISMENA, si lampa contr’à idda.
Antigona ! ti ni priguru ! Sò i masci chì s’ammazzani par l’idei. Tù sè una femina.

ANTIGONA
Una femina, iè. Aghju pientu a mo vita sana d’essa una femina !

ISMENA
Piddi a to furtuna allora, è prestu. Sè fidanzata, sè ghjovanna, sè bedda…

ANTIGONA
Innò, bedda ùn a socu.

ISMENA
Di sicura, di manera sfarenta. A sai chì i sgaiuffi ti fighjulani fora, chì i ziteddi, muti, sò in cuntemplazioni quandi marchji in i stretti.

ANTIGONA, d’un surrisu
I sgaiuffi, i ziteddi…

ISMENA
Ed Hemonu, o Antigona ?

ANTIGONA, chjosa.
Li parlaraghju dopu, sarà un’affari compia.

ISMENA
Sè scema.

ANTIGONA, d’un surrisu
Quissu, l’aghju sempri intesu, par tuttu. Và in lettu, Ismena… u ghjornu s’arrizza avali, fighjula, è par sfurtuna ùn pudaraghju fà nudda. Hè mortu u me frateddu ma si trova ingiratu d’una guarda com’è u rè. Và in lettu. Sè bianca di stanchezza.

ISMENA
È tù, ch’ai da fà ?

ANTIGONA
Ùn aghju u laziu di dorma… ma ti faciu a prumissa ch’aspettu u to svegliu nanz’à a me partenza. A balia mi purtarà da manghjà. Và in lettu, par piacè. U soli s’arrizza ghjustu.

ISMENA
Ti cunviciaraghju tandu ? Ti cunvinciaraghju ? Mi lasciarè parlatti torna ?

ANTIGONA, stanca.
Ti lasciaraghju discorra, iè. Tuttu u mondu parlarà. Và in lettu avali, par piacè. Osinnò ùn sarà bedda dumani. (A sguarda sorta d’un surrisu melanconicu, è falla subbitu nant’à a carrega.) Tinta Ismena !…

Entri a balia.

Lasciate un cummentu ?

Ce site utilise Akismet pour réduire les indésirables. En savoir plus sur comment les données de vos commentaires sont utilisées.