Cronaca di una mela di lussu.

Hè un fattu, più di i 3/4 di i famiddi francesi ani un urdinatori in casa. Da i quali à u menu 11,5 % ani urdinatori di marca Apple o incù un sistemu macOS.

Apple, mela in Corsu. Sarà in oru ?

À veda i prudutti vinduti, a quistioni si poni.

Vuleti fà u rigalu di un MacBook Air (Mac à prezzi raghjunevuli) à u vosciu ziteddu pà i so 15 anni o pà andà in faculta (fora di i prezzi studientini) ? Vi muscemi un pocu i prezzi.

Pà un prucessori « Intel core i5 dual core » cadenzatu sulamenti à 1,6 GHz (si pò truvà prestazioni simili annantu à un HP ProBook 6460b incù un Celeron di 2011, in più rapidu)

Pà 8 Go di mimoria.

Pà 128 Go di discu rigidu SSD (Omancu appena pà inseriscia 2 o 3 ducumenti).

Senza lettori CD-DVD

2 presi USB (o USB-C pà i novi mudelli, pocu utili).

macbook

Primu prezzu, senza nudda : 1099€, guasgi un SMIC.

Basta à vulè avè un MacBook Pro incù a tecnulugia video « Retina display », à pinuccia di discu rigidu in più è di mimoria pà duvè pagà…

macbook1

€ 1839 (€ 1349 senza upzioni). Un bon salariu.

Un urdinatori di marca seria licenziatu windows (linux pudendu essa installatu), incù 24 Go di mimoria, 8 volti a capacità d’inserimentu di dati (1000 Go di discu rigidu), tastiera illuminata, incù presi USB è lettori CD-DVD, 4 go di mimoria video vi custaria 739€.

Screenshot_20190427_180609.png
Kubuntu 19.04 annantu à un PC (27/4/19)

Inutili di pricisà chì u vosciu MacBook Air, à prestazioni medii, ùn ha micca i tecnulugii i più recenti.

Peghju, vi pudemu prisintà u Mac Pro, micca a torra maiò di u 2008, a sorta di secca cappeddi neru da u quali l’ultimu mudellu data di u 19 dicembri di u…2013. Sempri in vendita annantu à a piattaforma di Apple pà u modicu prezzu di €3399, senza upzioni.

Screenshot_20190427_202901

Di manera evidenti, issu prezzu includi tamanti capacità numerichi ma micca « logiciels » di trattamentu video, cosa pà a quali i prufessiunali volini cumprà à prudutti Apple, l’upzioni Final Cut Pro X custendu €330, 100 di menu pà Logic Pro X.

A tastiera ùn hè micca cumpresa (€99), U topu (cusiddetta la souris) specificu costa tra €85 è 149. Caspita!

Cosa vi cunsigliu allora ?

Di fà sempri attinzioni à i vosci soldi.

Parchì cumprà un iPhone quand’è vò t’aveti difficultà pà finiscia u mesi ?

Più di €1000 pà telefunà pà chjamà è piddà i fotò, caspita.

A mela di lussu hè ricercata pà u so lussu, micca sulamenti a qualità per se.

Vi pudeti muscià annantu à u Corsu Napuliò incù u vosciu iPhone.

Vi pudeti muscià in facultà incù u vosciu Mac.

Pà chì fà, s’è micca disegnu o edizioni ?

Nudda di più cà incù un PC classicu induva pudeti installà à macOS à l’appiattu Linux.

Vuleti quantunqua cumprà un Mac?

IMG_20190427_191913.jpg

I siti d’uccasioni sò fatti par quissa. Par 140€, aveti un MacBook Pro di 10 anni, di bona fattura incù 4 Go di mimoria, un discu rigidu di 256 Go (micca SSD, tandu), u bluetooth, una mimoria video di 256 Mo. Vi basta pà un usu basicu, testu, internet.

Capture d’écran 2019-04-27 à 18.34.42.png« Cerise sur le gâteau », hè pussibuli d’installà l’ultima versioni di macOS (Mojave), trucchendu à pinuccia l’installatori. A mudernità pà €140.

Sulamenti €140 (o appena di più).

Vuleti sapenni di più? L’eccellentu canali Youtube in inglesu di u ghjovanu Luke Miani vi parlarà di tutti i mudelli recenti di Mac (è ancu di u XServe di u 2008). Una visita ùn vi costa nudda è v’hà da amparà tutti i caratteristichi di i – so – Mac.

A mela di lussu hè a a voscia purtata. Basta à sapè comu piddalla.

 

Lasciate un cummentu ?

Ce site utilise Akismet pour réduire les indésirables. En savoir plus sur comment les données de vos commentaires sont utilisées.