Voli coglie a vita
Cum’un bellu fiore
Senza piglià tempu
Ne menu sudore
Voli coglie a vita
Senza mancu amore
Senza dalli un basgiu
Colmu di fervore
A vita ùn hè cusì, hè cosa à custruì
Ùn la poi capì, ma ùn la poi tradì
A vita ùn hè cusì, và volta senza dì
Bonghjornu o cumu sì, è ti lascia cusì
Voli piantà l’ore
In tutt’u so corsu
Senza dilli nunda
Mancu fà discorsu
Voli piantà l’ore
Nigà u tempu scorsu
Passatu è presente
Senza alcun’rimorsu
A vita ùn hè cusì, hè cosa à custruì
Ùn la poi capì, ma ùn la poi tradì
A vita ùn hè cusì, và volta senza dì
Bonghjornu o cumu sì, è ti lascia cusì