PINZERI – Piero Bardanzellu

PINZERI

E’ turnatu l’inguèrnu capibiancu
e s’è cancaratu u mòndu,
pinzarosu e gattìu
cumi u cori chi mi batt’in pettu
e accusa a stanchèzza d’a vita.
L’urtima foddha calàta subra una tola
si l’à purtata in volu un sprafùndu
e puri i pochi spiranzi chi tinìu appiattàti
in un cantu d’u ciarbéddhu
ànu stésu l’ali e so’ fugghjti.
Sogu rimastu scuntu
cumi un ramu nudu
e nun sentu più u focu
chi mi scardàia u sangui.
Ma quandu tornarà a primavéra
e l’àrburi mettarànu foddhi novi,
quandu a rùndini acconciarà u vèccju nidu,
più frischi e più chjàri
tornarànu a nascì i mé pinzéri.
E arànu vita
fin’ a quandu i foddhi nun siccarànu.

Piero Bardanzellu
(Sardo gallurese-parlata dell’isola di La Maddalena)

Lasciate un cummentu ?

Ce site utilise Akismet pour réduire les indésirables. En savoir plus sur comment les données de vos commentaires sont utilisées.