Londra: annant’à i passi di Jack the Ripper

2 mesi chì campu in Londra. Chì piacè issa cità! chì piacè di viaghjà.. Vi possu fà scopra qualchì parti di u mondu è oghji ni prufitu pà parlà  vi di una storia chì fà paura ma storia vera!

A storia di Jack the ripper…

Jack the ripper, cugnomi datu à un assassinu in seria chì pichjava in u quartieru Whitechapel in Londra à a fini di u 19imu seculu. I vittimi erani donni, sputtanati.

Turnemi in u Londra di l’epica..

À a mità di u 19imu seculu, a Grande-Brittania cunnosci una migrazioni maiò è ancu di più à partesi da u 1882. U quartieru di Whitechapel hè soprappupulatu è a puvertà crescia. Cundizioni di travagliu pessimi, alloghji vechji. L’arrubera, a viulenza è l’alculisimu diventani cumuni. Massi donni sò sputtananti pà pudè manghjà. In lu 1888 issu quartieru cuntava più di 1200 donni sputtanati.

Trà u 3 d’aprili di u 1888 è u 13 di farraghju di u 1891, ondeci assassini sò stati cuntati ma solu cinqui sò cunsiderati cum’è quiddi di Jack the ripper.

Turnemi annant’à i so passi.. dirizzioni Old Spitafield Market. Oghji, locu famosu pà pruminà si, manghjà un pezzu o bia qualcosa, à l’epica ghjera u locu d’appuntamenti di tutti i malfattori, puzzulentu, regnu di a puvertà. Benvinuti in u East End di u 19imu seculu. Qualchì rinsignamenti presi caminemi sin’à The Ten Bells Pub induva l’assassinu saria andatu beddi volti! T’aghju u primu nomi.. prima vittima.. Polly hè stata ritruvata morta in Buck’s Row chjamata avà Durward Street! Polly da u so veru nomi Mary Ann Nichols hè ritruvata u 31 d’aostu di u 1888. Parechji colpi di cultedda è gola tagliata. Quatru donni sarani ritruvati. Annie Chapman sarà ritruvata l’8 di sittembri in a corti di u 29 Hanbury Street. L’addome apartu è l’uteru cacciatu. Elizabeth Stride è Catherine Eddowes sò stati assassinati in freccia a mana di u . A prima hè stata scuparta in una corti vicinu à Berner Street, gola tagliata. Eddowes hè stata edda, scuparta in Mitre Square, quaranta-cinqui minuti dopu à a scuparta di Stride. A gola tagliata in parta, l’addome apartu. U renu di manca è una maiò parti di l’uteru cacciati. A parsona di Mary Jane Kelly, detta Ginger, hè stata scuparta u  annant’à u so lettu in a pezza induv’edda campava sola, à u numaru 13 di Miller’s Court vicini à Spitafield. A gola tagliata sin’à a spinursali è l’addome guasgi svisceratu. U cori era statu cacciatu. Tutti sò stati fatti di notti. A suppusizioni sicondu à quali issi cinqui accidii sariani l’opara di u stessu assassinu s’appughja annant’à ducumenti ughjinchi à l’affari chì accertani una lea trà i cinqui, lasciendu fora l’altri acciddi di a stessa epica.

L’identità di l’assassinu ùn hè mai stata cunnisciuta è oghji issa storia nera di Londra seduci monda parsoni. Un giru annant’à i passi di Jack the ripper si venda. Ma pudeti solu ritena a storia senza à pagà pà ramintavi o dà vi tremiti.

Lasciate un cummentu ?

Ce site utilise Akismet pour réduire les indésirables. En savoir plus sur comment les données de vos commentaires sont utilisées.