Erani una bedda mansa stamani, marcuri u 20 di farraghju di u 2019, in Aiacciu trà maiò è liceani. Un’accolta pà fà senti a voci di a lingua corsa. I liceani ani rispostu prisenti à a chjama di u Cullittivu Parlemu Corsu pà diffenda a lingua corsa di pettu à a nova riforma di u bascigliè. Membri di u cullittivu, liceani, sindicati, anziani è ghjovani ani mustrati u so amori è a so passioni pà a nostra lingua.
Un slogan, « Lingua mundiali, micca uzziunali ». Eccu a rivindicazioni di i corsi oghji davant’à a prifittura. A sciarpa famosa di u cullitivu, fatta d’aranciu è i scritti erani appiccati. Tutti sò preuccupati da l’avveni di a nostra lingua materna è chjamani à una manifestazioni u 23 di marzu à vena in Aiacciu!
Aiò o ghjenti chì ghjè tempu di salvà a nostra richezza!
Pà contu meu socu sempri in Londra è aghju una sturietta.. sapeti ciò chì m’hà dettu u me patrò? « Ma la ghjenti chì venani à travaglià ind’è voi parlani u corsu? » « innò a lingua corsa ùn hè ufficciali.. » risposta d’issu omu chì vena di u Togo « allora hè quì u prublema! In Ingliterra sè tù voli travaglià par asempiu à u Paesi di Galles devi parlà u gallesi, hè un’ublicazioni osinnò ùn poi » da rifletta o ghjenti..
Bona ghjurnata è ùn smintichetti micca, appuntamenti u 23 di marzu! 
Grazia à Maria-Ghjulia Ferrandi pà i fotò