L’imperatore in campagna in Parigi

Criata in lu 2006, a marca Empires mischia incù finezza, moda, lifestyle è rock à l’imagina di Napuliò u 1mu. Pà i 250 anni di a nascita di l’Imperatore, Empires apre un Pop-up store in Parigi da l’11 à u 21 di Sittembre.

Un’uccasione d’andà à scopre e criazione uniche di Valérie Santarelli.

 

MarMeet : Un locu Pariginu di scontri è di cunversazione

Carrughju Vrillière in lu 1mu arr di Parigi, Martine hà scambiatu u locu chì tandu era u scagnu di cuntabilità di a so cumpagnia da fanne un locu tempuraneu di scontri in giru à un tema spiciale.

U nome d’issu locu dà un’idea di a vulintà di a prupietaria : “MarMeet ghjè a cuntrazzione di Martine è Meeting ; Martine è Scontri”.

Vendita, galleria d’artisti, cummerciu : “Tuttu hè pussibile in issu locu, ci vole solu ch’ellu ci sia : di bonu, di bellu è di ghjustu. È ben intesu, una persunalità forta daretu à u prughjettu, cum’è Valérie pà issa cullaburazione.”

Empires

Ciò chì i tocca in la marca di Valérie Santarelli, ghjè chì l’imagina di Napuliò hè ghjovana, tutti i prudutti ch’ella prupone facenu rifarenza à un universu pop, rock è singulare è soprattuttu, ùn si tratta micca cà di l’imperatore.

Si tratta, incù e magliette, i sacchi è i ghjuvelli di tutta a vita di Nabuliò. Da quand’ellu era chjucu è ch’ellu spassighjava da a citadella à u carrughju San Carlu in aiacciu sin’à u so sacru in Parigi. Passendu ben intesu pà a so storia d’amore incù Ghjasippina è e so lettere passiunate.

Tema oghjincu :

BIENNALE 2018
A cullezzione Bonaparte di Pierre-Jean Chalençon à u Grand Palais in Parigi. François Bouchon/Le Figaro

 

In lu 2019, saranu i 250 anni di a nascita di Bonaparte è tandu, tuttu si mette in ballu in giru à issu sughjettu : ci hè par asempiu in issu mumentu à Biennale di Parigi “Napoléon en Majesté”  [Nabuliò in maestà ndlr].

Intantu, sì vo passate per Parigi da quì à u 21 di Sittembre, passate à a butteca “Bonaparte en Campagne”, da vede a cullezzione di Empires è tastà qualchì prudutti corsi.

Lasciate un cummentu ?

This site uses Akismet to reduce spam. Learn how your comment data is processed.