Sì tù sapissi o missià

Da Cutuli è Curtichjatu

Aghju una storia da cuntà

d’un missiavu innamuratu

di l’ochji di a so pusterità

Una figliulina nata d’aostu

chì tinia caru u so missià

Eddu si n’hè andatu di ghjinnaghju

Qualchì diciott’anni fà

Dicii sempri o missià

Issa zitedda hè lu me soli

S’è tù sapissi o Missià

Quantu mi mancani i to foli

In u circondu di a Gravona

Vidiamu mani ind’a mani

Un omu è a so figliulona

Fà contu di un lindumani

Li hà amparatu u dissegnu

Edda l’amori è a simplicità

A dulcezza di un segnu

Eddu u sapori di a libertà

Dicii sempri o missià

Issa zitedda hè lu me soli

S’è tù sapissi o Missià

Quantu mi mancani i to foli..

Lasciate un cummentu ?

This site uses Akismet to reduce spam. Learn how your comment data is processed.