E luzione di sole sò unu di i prudutti i più impurtanti di l’estate. Sò una prutezzione contru à i colpi di sole chì ingurbinente ma soprattuttu, ci pruteghjenu di l’UV chì cagionanu cancari di a pelle.
Ma s’è ognunu cunnosce u pruduttu, sò pochi à sapè ch’ellu hè assai tossicu pà i curalli è altre forme di vita di u mare fendu bianchisce i recifi curallinchi da Hawaï sin’à Israël.
Comu viaghjanu ?
S’è ognunu capisce parchì i panni pruteghjenu di u sole, hè più difficiule à capisce u funziunamentu di e luzione di sole. Difatti, e luzione sò cumposte di dui filtri : unu fisicu chì svieghja l’UV grazia à particuli minerali riflettente (ussidu di zinc o titanu) è un altru chimicu. In issa riazzione quì, ci sò moleculi urganiche chì si surpanu l’UV di u sole è i cambianu in calore à l’aghja di a pelle è micca in le stratte prufonde. Limitendu cusì i culpi di sole è i cancari.
U periculu
U prublema ghjunghje incù a siconda riazzione postu chì, i prudutti utilizati (benzofeni, oxibenzoni o aminobenzoati) favurizeghjanu a prupagazione di virusi à e zooxanthelles, alghi chì vivenu in simbiosa incù i recifi curallinchi. Quandu a populazione d’alghi casca, i recifi bianchiscenu parchì menu ussighjenati.
Sicondu e ricerche, 25% di a luzione spalmata annantu à u corpu si disulveghja in u mare dopu à 20 di bagnu. In li tropichi par esempiu, incù 16.000 à 25.000 tonni di luzione utilizate ogni annu, recifi absurbeghjani 4.000 à 6.000 tonni di luzione tutti l’anni.
Chì sò l’alternativi ?
Ci sò di più in più luzione chì utilizeghjani filtri minerali pruvendu à affrancassi di prudutti tossichi è pulluanti. In Hawaï o in Messicu, sole isse luzione sò autorizate à a vendita è l’usu. Qualchì studii anu messu in lume chì ancu issi prudutti ponu esse periculosi pà a biulugia marina è chì e luzione bio sarianu ùn pocu debule faccia à l’UVA. Eppuru, in Francia, luzione di sole bio, cum’è tutti i cusmetichi devenu risponde à e cundizione d’etichettamentu stritte impone da l’Europa. Pudeti tandu cumprà a vostra luzione incù l’assicurezza chì viaghjarà omancu cum’è una luzione tradiziunale.
Eccu qualchì fabricanti chì provenu à fà prudutti più sani è rispittosi di l’embiu marinu :
Da ritruvassi incù l’indizi di prutezzione, a liga contru à u cancaru v’aiuta incù un classamentu da truvà u vostru fototippu. È s’ella vi dirranghja di spalmà qualchì luzione viscosa annantu à u vostru corpu, pudeti sempre seguità i cunsigii di i dermatuloghi, mettenduvi à u sole nanzu à 11 ore è dopu à 4 ore dopumeziornu. Adumbratevi sottu à un parasole o beienduvi un’Orezza in una paillotte.
