Bascigliè è Brivettu di i Cullegi : un’antra negazione pà e lingue regiunale

« Solu e copie scritte in lingua francese saranu currette ». Eccu a pusizione ufficiale di u retturatu di l’accademia di Rennes.

Da u Paese Bascu à a Brittania, sculari in scole immersive di lingua regiunale anu decisu di cumpone e so prove di matematiche di u bascigliè è di scenza à u brivettu in lingua soia. Ma l’accademia ùn vole sente nulla, mandendu cunsigne à i currettori pà impedisceli di curreghje e copie. Peghju : Mubilizeghjanu ispittori da surveglialli.

In lu liceu Diwan di Carhaix-Plouguer (Finisteru), sò quindici à avè fattu a scelta di scrive e so copie di matematiche in Brittonu, secondu à Loeiz Donal u direttore chì priciseghja dinù chì « Ci sò prufessori capaci di curreghjeli, ma chì li hè statu dumandatu apposta d’ùn tene contu di e parte in lingua Brittona »

A reta di scole Diwan

Criatu dapoi una quarantina d’anni, e scole Diwan private (ma gratusi è laiche) pruponenu una scularità è un insignamentu in immersione in lingua Brittona. Cumpostu da sei cullegi è d’un liceu, issu cursus parmette à i sculari d’amparà tutte e materie in la so lingua è di passà prove di Storia è Geugraffia in Brittonu à u Bascigliè. Pà u brivettu, li parmette di passà ogni prova in Brittonu fora di e scenze.

Carrotta è Bastone

Sicura, si pò passà qualchì prova d’esami in lingua regiunale è si puderia dilla, hè megliu chè nunda. Eppuru, ogni annu, ci sò i ghjuvanotti pronti à piglià u risicu tremendu d’avè un zeru, chì s’ellu ùn hè eliminatoghju, face quantunque una bella strada à richjappà par avè u so esame.

Ma parchì impedisce di scrive e so copie in Brittonu ? A tutalità di u so prugramma hè in Brittonu, u parlanu quant’è u Francese o ancu megliu. Saria què u prublema ?

Paese Bascu

Annu, purtantu, sò statu tullerate e copie di scenza in lingua regiunale in lu Paese Bascu è ancu in Brittania pà u brivettu di i Cullegi. Ma cust’annu, u ministru hè statu bellu chjaru : Misure sò state prese par chì isse copie ùn fussinu mai in le mane di currettori bislingui.

Secondu u direttore di Seaska Hur Gorostiaga, ci hè « una pulitica linguistica nova chì hè stata messa in ballu da Jean-Michel Blanquer »

Mubilizazione

Dipoi marti, una petizione hè stata messa in ballu da u cumitatu Bak e Brezhoneg pà dumandà à u ritturatu di dà e copie à currettori brittonofoni ma ancu l’ 11 000 signature ùn anu fattu rinculà e direttive di u statu francese.

28 parlimentarii britoni anu firmatu una lettara indirizzata à Emmanuel Macron difendendu a so lingua : « U brittonu, à u titulu di lingua di Francia, aspetta incù legittimità d’esse di più sustinuta da u Statu ».

In Bordeaux, parenti, sculari è prufessori si sò incatenati à u retturatu pà sustene i sculari baschi è, Seaska Hur Gorostiaga pripara una mubilizazione durante u passaghju di u Tour de France u 28 di lugliu in lu Paese Bascu.

Ramintaremu chì in Corsica, si pò sceglie di passà a storia geugraffia à u brivettu è u corsu in LV2 à partesi da a siconda, ma à u Bascigliè

Lasciate un cummentu ?

This site uses Akismet to reduce spam. Learn how your comment data is processed.