« A nostra vulintà hè di tradisce l’ascultera, cria a frustrazione è a sorpresa. Ci vole à ascultà tuttu l’EP sanu dà capisci l’intenzione mà emu pruvatu à fà qualcosa chì ùn facia micca musica di sapientone. »
Tradisce l’ascultera
Ghjè vera chì issu prughjettu hè assai particulare ! Ci sò gruppi chì s’ascoltenu cù tantu asgiu ch’ellu si smintica che no semu ascultendu à un dischettu. Incù Traître Calin, seti sempre ramintati chì tramacchjulate in l’universu riccu di JB è Antoine.
Cuminciendu à cumpone issu discu d’istate 2017, anu principiatu compunendu musiche s’assumigliendu à u drone ò u noise (dui stili musicale di niscia) è pò, sunendu, si sò vultati di manera naturale versu à u Hip-hop industriale.
Eppuru, l’idea hè dighjà prisente in la so mente : ci vole sempre à lampà l’auditore fora i u so locu di cunfortu è purtànellu di più in più luntanu.
L’eserciziu hè di più difficiule ch’ellu ùn ci vole offendellu fendu una musica troppu ermetica ò, impieghendu parechji rifarenze muffute.
Un EP carcu à rifarenze
Issi dui titulari d’un master d’arti plastichi, suminanu in ogni versu, rifarenze culturale è artistiche. Antoine chì hà dedicatu u so memoriu à a biastema in l’arte, s’attaca à cunceti ardui cume l’anticlericalisimu è un paghju di cose mistiche cume, par un dettu, u vodù. Ciò ch’ellu pensa JB ghjè chì campanu in la stessa suciètà chì l’auditore è ch’elli ponu truvà ciò chì i dui musicanti volenu amintà incù isse citazione. Pà rende le piu suttile, si sò pruibitu di fà solu « Name Dropping » per prifirà allusione di piu piattate.
Grazia à que, tuttu ùn si capisce dà a prima ascultera è ghjè ancu più stimulante pà à mente di omu ch’ascolta, fendu di i pezzi di musica ughjetti di riflezzione interi. Finiscendu l’EP di manera recìsa, facennu cresce u sìntimu di frustrazione è v’invìtanu à ascultàllu torna è torna.
Auto-pruduttu dà a prima nota à l’ultimu disegnu
Pà fà issu prughjettu, i dui musicanti avìanu una visione generale. Grazia à què, ogni musica t’hà a so signatura gràfica è, ancu tuttu u mastering è u design sunoru so stati fattu dà par elli. Assai inspirati dà l’universu sinematograficu di Terry Ghilliam, anu fattu animazione uniche par ogni video Youtube è tandu, anu ancu un clip in preparazione.
Quandu ascultà…
Oghji, ùn aghju dà pruponevci una situazione speciale dà ascultà à ogni canzona. Piutostu un modu d’impiegu dà ascultà issu dischettu in le piu bone cundizione.
Prima, pigliatevi un mumentu induve seti tranquilli, fattevi un tè, un cappucinu ò stappatevvi una biera. Dopu, ponetivvi in un futogliu ò un sofa induve site asgiatu, mittitevi un bellu cascu ò un bon paghju di baffle è ascultate u dischettu sanu.
A prima canzona hè a più distablilizante, mà quandu l’avaretti ascultata, pudareti impittàvvi propiu bè l’universu misticu è squilibratu di Traître Calin.
Dà ascultà quì : https://traitrecalin.bandcamp.com/