Sopr’à i tetti orfagni di mimoria
Esce un vapore da i sciaminè
Sigarette d’un tempu senza gloria
Ch’è tù fumasti tandu per u piacè
Ind’i to ghjorni à tempu laziosu
M’amasti solu per ricumincià
E storie chì d’annoiu ai rosu
Prima d’avè le pussutu intriccià
I falsi basgi di e labbre cutrate
Chì l’inguernu sumena à l’imbrunì
Sò cum’è ‘sse carezze impitrate
Di l’amori ch’ùn ponu più finì
Tuttu si fissa nant’à i ritratti
‘Ssi ricordi chì m’anu da annigà
Ma l’ancura di i nostri baratti
Tene puru s’a vulia nigà
In citadella diserta è afflitta
Eiu cercu sempre à induvinà
I diti nant’à una parolla scritta
Ciò ch’è tù m’ai vulsutu lascià
A.P.
04-05/07/2022