A Corsica ùn hè micca risparmiata da a puvertà. Questa cresce di manera significativa ogni ghjornu, fendu di l’isula u territoriu u più tuccatu da a precarietà in Francia metropolitana. U sogliu di puvertà ghjunghji à 1063 € per una persona sola. In u 2021, 18,5 percentu di a populazione corsa campa sottu à stu sogliu.
A CLE (Cuurdinazione di Lotta contr’à l’Esclusione) hè nata in u 2004 in Corsica per creà l’armunia trà l’azzioni di l’associi luttendu contr’à l’esclusione è a puvertà. Oghje, sò 13 associi chì sò riunite in ‘ssu gruppu. Hè à l’iniziativa di a CLE chì si tenerà, u 20 d’uttrovi di u 2021, un dopu-meziornu di cunferenze dedicate à a criazione di un SAMU suciale in Corsica. St’avvenimentu intervene per a ghjurnata mundiale di u ricusu di a miseria di u 17 d’uttrovi.
Chi ghjè un SAMU suciale ?
U SAMU suciale hè un dispusitivu ghjà prisente in parechje cità francese. U duttore Xavier Emmanuelli, fundatore di u SAMU suciale di Parigi è di u SAMU suciale internaziunale, ne parla in ‘ssi termini : « U SAMU suciale hè un dispusitivu di salvezza in u campu medicale, psiculogicu è suciale. Ma stà un dispusitivu d’urgenza. Invia e squadre professiunale, di ghjornu com’è di notte, à l’iscontru di e persone in piriculu, in situazione d’esclusione, annantu à u so locu di sopravvivenza, annantu à you so territoriu famigliare è quessa, 24 ore annantu à 24, 365 ghjorni à l’annu. Oltre e cure d’urgenza, a so missione cunsiste ancu à orientà ver’ di soluzione d’alloghju à cortu-termine o di e piste di soluzione definitive.
Rimette dunque in ligame e persone ch’elli scuntranu, suvitanu o racoglianu in ‘ssa dinamica di cure, d’accumpagnamentu è di reinsirimenti. »
Oltre e cure d’urgenza, a so missione cunsiste ancu à orientà ver’ di soluzione d’alloghju à cortu-termine o di e piste di soluzione definitive. Rimette dunque in ligame e persone ch’è elli scuntranu, suvitanu o racoglianu in ‘ssa dinamica di cure, d’accumpagnamentu è di reinsirimenti.
Xavier Emmanuelli, fundatore di u SAMU suciale internaziunale.
Xavier Emmanuelli aghjunghje chì in Corsica, l’esclusione ùn hè più ecunomica. Ci vole à fighjulà l’altri prublemi : sulitudine, invichjamentu, ma ancu malesse di a ghjuventù… U prublemu di a suffrenza psiculogica hè u SAMU suciale chì pò risponde ci, incù a so caratteristica di mubilità è di recriazione di un ligame civicu.
Eppuru, a criazione di una struttura tale chì un SAMU suciale in un territoriu com’è a Corsica pone parechje questione, prima quella di l’urganisazione à u cutidianu per l’accogliu di e persone in situazione di precarietà è a lugistica d’installazione (u costu di e strutture è di u riclutamentu di u persunale).
Ci sarani mentre a ghjurnata di u 20 di uttrove monda attori di a salute è di u suciale in Corsica, ancu spezialisti di u cuntinente invitati à sprimassi annantu à a questione di a creazione di un SAMU suciale in l’isula.
Un SAMU social en Corse ? Avvenimentu urganizatu da u CLE u 20 di uttrove 2021 à u spaziu Diamant d’Aiacciu, à parte si da 16 ore è mezzu. Ritruvate u documentu di st’avvenimentu quì.