In lu dulore è a stizza, migliaie di libanesi anu falà mercuri in u centru di Beirut per marcà u primu anniversariu di a splusione chì hà scempiatu u so portu è una parte di a cità, è dinuncià l’impunità di i dirighjenti in ‘ssa tragedia.
‘Ssa sciagura di troppu in un paese impiciatu in a peghja crise socioecunomica di a so storia, diliberata sient’è a Banca mundiale, hà nutritu a stizza contru à una classa pulitica dighjà largamente accusata di lascià u paese scorre.
Ciò mercuri 4 di aostu 2021, quandu l’omagi sò resi à e vittime à Beirut, parechji capi di Statu è organisazione internaziunale si sò riuniti per arricà un nuvellu aiutu d’urgenza di 100 milioni d’auri. È ancu per fà prissione annantu à e rispunsevuli pulitichi, accusati da i capi di Statu stranieri di purtà una pulitica d’immubilismu per pruteghje i membri di a classa pulitica libanesa.
Ritornu annant’à un disastru evitevule
U 4 di aostu 2020, pocu dopu à 6 ore di a sera, a città libanesa cascava in l’orrore. A splusione di centinare di tonne di nitratu d’ammoniu, immagazzinate dapoi anni è anni in un depositu invechjiatu « senza misura di precauzione » a l’aveu ancu di u guvernu.
A splusione farrà 214 morti, più di 6,500 feriti è scempia di i quartieri intieri di Beirut.
In u circondu di u postu di a splusione, più di 9000 bastimenti sò stati lasciati à l’abbandonu, dinù sventrati da a sciagura duvuta à a splusione nitratu d’ammoniu. Per evità di nuvelli trafalamenti, installazione di cantieru sò statu stallati. Ma nissunu bugettu hè statu attribuitu da u guvernu in crise per ricustruisce a cità.
Oghje, una crisa economica hè suciale senza precedenti
A crisa cagiunata da a splusione d’aostu di u 2020 hà avutu un impattu senza equivalente annantu à u cutidianu di i libanesi. In un paese ghjà sottu tinsioni pulitiche è ecunomiche, st’evenimentu hà cummossu a vita in lu core di Beirut. A libra libanese, a muneta di u paese, s’hè sfundata di 90% dapoi un annu. Certi produtti di u cutidianu, tali u caffè, i produtti d’igiene o ancu i produtti impurtati, vedenu i so prezzi esplode. Per esempiu, un pacchettu di tuvagliole igieniche di media gamma aviccina i 30€ (per un prezzu circa deci volte più bassu in Francia).
L’essenza hè dinù una risorsa subendu un stress senza precedente. Raziunata, i cunduttori vedenu un’aspittera andendu sinu à dui ore per ottene u priziosu liquidu, in quantità ridutta, per li permette di rutulà solu un’poche d’ore per ghjornu.
L’alimentazione elettrica è ancu l’avviamentu in l’acqua potabile per l’abitanti di Beirut cunnoscenu di i scundisi impurtanti tutti i ghjorni.
E urganizazione umanitarie sò à ‘ssu ghjornu i sole organismi à appurtà à l’abitanti un sullevu effimeru da a distribuzione di viveri in senu à a capitale.
‘Ssa situazione di sciagura ecunomica hà cristallizatu a stizza di u populu libanesu à l’incontru di l’eletti pulitichi, perseguitendu un cunflittu ghjà ancuratu dapoi parechje anni.
Un annu dopu, l’inchiesta ghjudiziaria zampitteghja sempre per cunnosce e circustanze esatte di ‘ssu dramma. U Parlamentu ricusa di pisà l’immunità di certidi i so membri, caghjunendu di i risultati falsati è dinunciati da numerose assuciazione lucale.