Tempoli tempi fà – Capitulu 14 “L’insulta di troppu”

U 31 di ghjinnaghju di u 2021, Tempoli. Dui ori di mani.

A notti bughja d’invernu copri u silenziu di u coprifocu in La Jalva. Si sentini qualchi rimori di legnu piegatu da u ventu, annantu à a strada in surtita di u paisonu, in direzioni di Monsalviaga, altru quartieri di a cumuna di Tempoli, à 3,5 chilometri.

U presidenti François Degereja ùn dormi micca à st’ora quì. Fighjula l’urdinatori è Migrants TV.

Senti un 4×4 falà à fondu vicinu à a casa. À st’ora quì, hè stupendu.

U 4×4 si pianta ghjust’ accantu à a so casa è dui omi mascarati tirani incù una Kalachnikov. Annantu à a porta, dui colpi, annantu à i muri è i finestri di u primu pianu di a casa in petra, cinqui.  I muri sò pieni di tag incù a croci nazi.

Eppò più nudda. Tutta iss’affari in menu di 45 sicondi, omancu u tempu di leghja a placca.

U lindumani, chjama a gendarmeria pà i custatazioni. Porta lagnanza è dumanda u sustegnu à a pupulazioni via petizioni in linea.

À u bar, sò cunsternati. Faccia chjusa a mani dopu à l’avvenimentu. Tutti vedini François cum’è u guardianu di u tempiu. Essendu curiosu è scrucconu, pò essa criticatu qualchi volti.

Insulti à gogo, ne metti tutti i ghjorni annantu à i reti suciali è ne dici altrettanti in carrughju. Contr’à i migranti, contr’à i parsoni avendu un handicap, contr’à i so anziani amichi sucialisti.

Contr’à tutti ch’eddu odia.

U 4 di frivaghju di u 2021, Tempoli.

Romain pidda a decisioni di prisintà una muzioni di sustegnu à François, à u cunsigliu municipali è à a righjoni induvà hè cunsiglieru di i ghjovani, elettu in lista « Front Social – Unité Populaire ».

« François, élu socialiste, toujours au service des gens, de l’Autre. Un être social au grand coeur, attaqué. C’est la démocratie qui est attaquée, le socialisme! » dici a sustanza di a muzioni.

In iss’assemblea di ghjovani di manca o « pentastiddati », ùn si ni rendini omancu contu.

In fatti, a muzioni ùn dici micca chì François pidda sempri i canuchjali pà spiunà i so vicini è lampa l’insulti di « Retourne au pays et crèves-y d’un cancer » à piaceri.

Quand’eddu và ind’i supermarcati è chì scontra musulmani, si faci un piaceri di lampà arechji o pedi di porcu ind’u carruleddu d’issi parsoni.

U Jalvesu hè sempri annantu à a so terrazza pà veda ciò chì i so vicini stani trafichendu. I vicini, pà fallu sorta un pocu da u quartieri, l’ani fattu eleghja annantu à a lista di Mònoga.

U 15 di frivaghju di u 2021, Tempoli. La Jalva.

U merri Mònoga si prumena ind’u quartieri incù qualchi eletti tra i quali François, Martine, Romain è tanti altri. Pari un armata Messicana in traci di priparà l’alizzioni tarrituriali pà u mesi di ghjunghju.

Martine ne apprufitta pà salutà l’avanzata di i travaddi ind’u so quartieri è di suttulineà l’arristati anti SDF presi da u merri. Romain, eddu, si vanta incù a ghjenti d’avè prupostu una muzioni « Ma commune sans migrants » à una sessioni di u cunsigliu municipali.

Venini tutti pà inaugura a nova funtana è u novu lavatoghju di u quartieri.

U merri cumincia u so discorsu davanti à 30 parsoni, da i quali Monica è « Madame Josiane ». Monica pari insultà à Josiane : « Eh toi! Espèce de voleuse! Tu m’as volé Simon! »

Josiane : « Je t’en prie! »

Ne una ne dui, Monica lampa Josiane in l’acqua cutrata di u lavatoghju è casca anc’edda, sott’à a risa di i spittatori.

Monica prova d’annigà à Josiane, piddendu a so ciuffa è tirendula vers’à l’acqua.

I media sò quì è piddani video chì diventani culti.

Monica diventa a donna più famosa di a righjoni. Qualchi video li sò cunsacrati ind’i bêtisiers di a televisioni.

U 22 di frivaghju di u 2021, Tempoli.

U merri di Tempoli inizia a so seanza di cunsigliu municipali annunciandu una lagnanza simbolica contr’à i reti suciali da i quali hè statu intardettu sei volti trenta ghjorni dapoi à l’iniziu di u so mandatu.

Ma parchì hè intardettu?

A simplici raghjoni hè chì insulta a ghjenti di manera aparta.

« Allez crever ! », hà scrittu una sirintina di ghjinnaghju. Risultatu : un mesi d’intardettu.

O, ancu meddu, quand’è u merri di manca di Ferona, Édouard Carrejana, hà scrittu un sustegnu à i migranti accolti : « Le gauchi**e, c’est toi! Le mollasson, c’est toi! Fora! ». Risultatu : un mesi d’intardettu.

Passani i sittimani è a municipalità hè sempri più rimarcata pà i so pusizioni.

Ancu François, vittima di colpi di fucili, ùn si calma omancu appena.

L’anzianu merri, Bainzu Gossotta, hè mutu. Ùn parla più. Ma parchì? Sarà malatu?

A vita hè sempri spiciali, quà in sù. Ancu Claudine a dici.

Lasciate un cummentu ?

Questo sito usa Akismet per ridurre lo spam. Scopri come i tuoi dati vengono elaborati.