Pagliacci

Ogni sera
M’annanna a tristezza è a malincunia
Ogni sera
Lasciu à u me spechju una fiura bugiarda
U mo core, u me esse, è e labbre in sicchia
È l’ochji cusì trosci chì nisunu ùn guarda

Ogni sera
Rimettu u custumu di i me sogni sparsi
Ogni sera
Accendu u me lume à u focu di a vita
Chì face ride l’altri è mi rode podarsi
È mi face sguassà a mo gioia sparita

Ogni sera
Mi dicu chì dumane sarà forse sfarente
Ogni sera
Cercu una ragione d’azzingà mi à a scena
Per ùn più sunnià à un core ch’ùn sente
È ùn vole capisce u parchè di a mo pena

Ogni sera
M’approntu è sentu i gridi di i zitelli fora
Ogni sera
Spazzaraghju u pientu è i so sogni stracci
Dopu si n’andaranu empiuti à gioia nova
È più ùn pinsaranu à mè chì sò pagliacciu

A.P.

06/03/2021

Fiura : Portrait de clown, Bernard Buffet

Lasciate un cummentu ?

Questo sito usa Akismet per ridurre lo spam. Scopri come i tuoi dati vengono elaborati.