Bigliettu 2000 : u prucessu Eichmann

Ss’articulu hè in partenariatu cù a squadra di u podcast Culture 2000 (Fréquence Moderne). Putete ritruvali nant’à Twitter, Facebook, Instagram, Spotify è Deezer, è nant’à u so situ : https://culture-2000.lepodcast.fr/

Oghje, trascinemu à Gerusalemma un veru grossu gattivu : l’officiale SS Adolf Eichmann. U prucessu Eichmann, quessa vi dica sicuramente qualcosa ? Qualcosa chì hà à vede incù li nazisti, a Shoah è Israele. Ma spolvaremu tuttu quessa è videmu ciò ch’è ‘ssu prucessu imparanoi di i purcacci d’arimane è d’oghje. Eichmann, hè un officiale nazistu ghjudicatu in Gerusalemma per e so rispunsabilità in la Shoah. Lugisticianu di a soluzione finale, hè rispunsevule di avè organizatu a dipurtazione di i ghjudei ver’ di i campi di a morte. A so missione, sient’è i so propii termini : identificà, cuncoglie, spuglià è traspurtà. Imaginata à a partenza per caccià fora i ghjudei in Alimagna, a so pianificazione lugistica s’hè svilata efficace per a soluzione finale. Ma, à u prucessu di Nuremberg chì ghjudicheghja in lu 1945 i principali dirighjenti nazisti, passa trà e gocce. U so nome è u so rollu fermanu tandu scunnisciuti di u publicu. 15 anni dopu, u 23 di maghju di u 1960, Eichmann hè arristatu da l’agenti israiliani di u Mossad in un bellucciu piattatoghju: l’Argentina. Cumpariscerà un annu più tardi à Gerusalemma per risponde di i so crimini. Trè simane di prucessu intensu, emoziunale è più mediaticu ch’è Nuremberg.

Un prucessu mediaticu è puliticu

In Israele, ‘ssu prucessu hè un avvenimentu capitale : fà cumparisce un altu dirighjente nazistu hè un attu simbolicu immensu in stu statu ghjudeiu chì contu dinù un terzu di scampati di i campi di a morte. Mà per u guvernu, a carta Eichmann hè ancu un’arma pulitica : riattivendune a mimoria di a Shoah, u Prima ministru David Ben Gourion face ellu u ligame trà i nimichi di i ghjudei d’arimane è quelli d’Israele oghje : i stati arabi vicinanti è u populu palistrinianu ghjunghjenu u puntu Godwin. Per unificà una sucità israiliana sottu à tinsione ma ancu per ghjustificà l’armamentu nucleare, Eichmann hè una carta maestra ben pratica. Trè anni più tardi, in lu 1963, u prucessu face un ricocettu inaspittatu per via di un libru pulemicheghja : quellu di una certa Hannah Harendt.

Hannah Arendt è a banalità di u male

Filusufa, ghjudeia emigrata in li Stati Uniti, hà assistutu à l’integralità di u prucessu per pruvà da capì.  U discorsu d’Eichmann hè inaspetattu : ùn seria culpevule ma assuma tuttu, era solu un funziunariu chì empiìa a so missione : pianificà i trasporti, ubbidisce à l’ordini… Breve, l’ochju di una catena chì ùn cuntrullava niente. Arendt cunchjude chì u mostru ch’hè davanti à ella ùn ne hè micca unu : nissuna decisione di fà u male, alcunu mobile, ghjustu u zelu di un funziunariu chì ùn hà misura di l’orrore à a quale hà participeghjatu. Ùn hè micca stupidu, ma ùn pinsava micca. Almenu micca aldilà di ciò chì li era chertu è hè ghjustamente quessa chì hà fattu di ellu unu di i più grandi criminali di i tempi muderni, ciò ch’è Arendt scopre, grazia à u prucessu d’Eichmann, hè a banalità di u male. Ùn hè micca u so crimine chì hè banale, ma a faciulità incù quale si sculiscia in ogni umanu chì hà a parezza d’ùn pinsà micca. Hè disturbendu u prublema, l’orrore, hè a povera cundizione di Eichmann. Seria assai più rassicurante di cunsiderà lu cum’è un mostru inumanu, ma dannu ! Hè un omu chì, accuntintendu si di ubbidisce bè savviumente à l’ordini, rende l’orrore pussibile. Tandu chì ? Arendt ùn scusa nulla ma ella tocca induve ùn avemu micca assai brama d’avè da grattà. Ùn ci hè bisognu di munstrusità sanguinaria, u male si sparghje cum’è gattiva erba annantu à a terra fertile ch’è hè l’ubliu di a pinsamentu.

È rassicurate voi, Arendt hè morta, è ùn hè micca annantu à BFM TV ch’è s’hà da circà à capisce in ‘ssi termini i novi mostri d’oghje. A figura di u scimaticu, quessa face paura, hè pratica. È hè quandu ancu più ripusendu.

Lasciate un cummentu ?

Questo sito usa Akismet per ridurre lo spam. Scopri come i tuoi dati vengono elaborati.