Télémagouilles

Tempoli tempi fà – Capitulu 14 “Télémagouilles”

U 14 di ghjinnaghju di u 2021, Tempoli.

Romain entra ind’u bar « Brasileiro » criatu clandestinamenti ind’è Michel, sempri apartu.

Essendu ghjovanu cunsiglieri municipali (Front Social) è appena parenti incù Michel Migalli, hè sempri chjamatu ind’è la ghjenti pà prublemi infurmatichi.

Meziornu. Romain hè invitatu ind’è Simon (dittu So Lurisinco) è Josiane, un coppiu d’una sessantina d’anni urighjinariu di u locu dapoi seculi è seculi. Josiane hè ancu parenti incù François, anzianu funziunariu di u serviziu di i marcati publichi à a righjoni, cullegu di Jackie è François. Edda travaddaia à a posta, essendu stata ispettrici principali di i PTT. Eddu era capisirviziu à a Banca di Tempoli.

Pà ritruvà à Simon et « Madame Josiane », Romain entra ind’a casa di Michel, induva François pidda un bichjeri di vinu prima di magnà.

Chì tanti bichjeri di vinu, chì ci hè più di un centimetru di brutteghju, u fondu di u bichjeri ùn si vedi mancu appena à a luci di u lustru anc’eddu bruttu.

Romain, cuginu incù Michel, ùn paga mai i cunsumazioni, t’hà tarreni agriculi in cumunu incù eddu in Monsalviaga (Sa Contra Boriógana).

Stamani, hè statu chjamatu da Michel pà arragnà a televisioni, chì u sonu hè troppu debuli pà fighjulà i prugrammi di manera tranquilla. U prublema hè chì a telecumanda principali di Michel t’hà un centimetru è mezu di brutteghju castagnu, ùn si vedini omancu appena i numari annantu.

Romain rifusa di tuccalla cusì è dumanda à Michel di nittalla incù alcool o acetu. Michel u faci è dumanda à Muriel di nittà u bar clandestinu : « Allez boniche, nettoie cette porcherie, et que ça saute! » Denduli colpi annantu à u spinu incù un bastonu in narbi di boiu.

À iss’uccasioni, una volta a televisioni missa à u bon liveddu di sonu, Michel pruponi qualcosa à Romain. Un’affari in oru, sott’à u nomu di Télémagouille. Pà 55€, pudaria avè tutti i televisioni ch’eddu vularia, Canal Plus, OCS, Dorcel, Brazzers, Playboy è a televisioni Tolsana pornografica « PaggioruTV », incù u nomu evucatori di un urganu di a donna.

Guasgi gratisi. 55€ à l’annu, vali a pena.

Una sorta d’IPTV, traficata da a donna di l’ex-membru di u gang di a Curnicia. Muriel vendi sempri apparechji illegali d’issu stilu ind’u so bazar pà i so amichi, essendu ancu cummercianti affiliata à a reti di distribuzioni ufficiali di Canal plus.

Incù 55€, ci hè l’apparechju è un’annu d’abbunamentu à tutti i TV à pagamentu di 115 paesi. L’annu dopu, si pagaria 22€ di novu abbunamentu.

Illegali, senza dubbitu, è sottu à a forma di una scatula “crema” di l’anni 1980 incù l’indicazioni “ATTENTION! HAUTE TENSION”.

Michel, cusì, metti in baddu seanzi di film a sera, malgradu à u fattu chì sia intardettu di sorta dopu à sei ori di sera. A novi ori di sera, si pò fighjulà un film di a Box Internet pà 4,50€ par parsona. Dopu à deci ori è mezu, u film eroticu costa 5,60€. Dopu à meza notti, pà veda u film pornograficu, annantu à PaggioruTV, costa 6,40€.

PaggioruTV, una televisioni à pagamentu, à u nomu in Sassaresu evucatori, ditinuta da a famidda di l’ex merri Gossotta. Annantu à issu canali, si vedini l’exploits/i fattoni di Joséphine è di Monica è ancu di qualchi clienti di u bar, ind’a so ghjuventù incù, in fondu, a musica vulgara famosa « La Notti » in Sassaresu.

Romain, eddu, ùn cunniscia mancu appena issi pratichi spiciali è si ne ridi di a situazioni. Télémagouilles hè qualcosa di passiunanti pà eddu, ughjettu di risati eterni.

Télémagouilles, issu sistemu IPTV chì hè cummercializzatu da deci anni in Tempoli è u so circondu da Gossotta è a so mansa di cummerciali.

Dopu ad avè riparatu a televisioni di Michel, Romain si ne và ind’è Simon è a bionda Josiane ind’è i quali hè statu invitatu. Sò dui parsoni particularmenti avari, malgradu à fattu ch’eddi tucchessini 5000€ di ritirata à dui.

Simon t’hà un urdinatori Atari ma voli essa ind’a mudernità è pudè andà annantu à internet pà veda i publicazioni di Martine, Michel è, più impurtanti, i nutizii d’estrema dritta di u merri Mònoga. Pà issa raghjoni, hà chjamatu à Romain.

Romain li vendi un urdinatori à 150€ incù Fedora, un sistemu libaru di basa Linux.

Madame Josiane, edda, t’hà dui « tablettes ». Issa donna, curiosa cum’è ùn si pò imaghjinà, t’avia una reputazioni tremenda : quidda di apra i lettari di parsunaghji impurtanti di a cità fin’à a so ritirata ind’u 2013. Apria i lettari, ni parlaia à Martine a vigia è à tutti i clienti di u Brasileiro.

Hà saputu cusì chì Bainzu Gossotta avia amanti, chì i marcati di a merria aviani guasgi tutti casi di froda.

Tanti cosi piattati chì Madame Josiane si facia un piaceri di rivelà à a ghjenti.

Romain, eddu, era troppu ghjovanu à l’epica pà interessassi à issi sughjetti. Maliziosu, hè intrutu in pulitica ind’u 2020, divintendu cunsiglieri municipali di a so cumuna di nascita. A verità hè chì i so elettori sò parsoni di La Jalva è di Monsalviaga, l’altri paesi furmendu a cumuna di Tempoli ùn lu cunnoscini tantu.

Madame Josiane hà priparatu qualchi pasti incù l’oliu d’alivi è un pocu di pecurinu. Qualcosa di simplici è rapidu. Ùn hè micca bona cucinara mà hè maliziosa, più cà tutti in issu paisonu. Prima, era incù un certu Roger, patronu di supermercati, l’hà un pocu spiumatu, avendu trè ziteddi incù eddu. Dopu s’hè trova à Jeannot, u so capiserviziu senza ziteddi, u s’hè spiumatu.

Jeannot, senza soldi pà pagà i so spesi è u so affittu, s’hè tombu da par eddu incù u pentobarbital.

Avà, hè incù Simon, trè fiddoli. Essendu anzianu dirigenti di banca, saria duru da spiumà. Eddu, à l’età di 70 anni, vendi sempri l’apparechji Télémagouilles à a ghjenti dicendu : « Tu veux Canal Plus? Je peux même te faire avoir Anal Plus si tu veux! PaggioruTV ne coûte pas grand chose avec moi, mon ami! »

À iss’uccasioni prisintata da Simon, Romain rispondi : « Porno? Ùn ti ne aghju micca dumandatu, eiu ! »

Simon rispondi, ridendu : « Tu sais, le meilleur porno, c’est ma femme! Mais pour 55€, tu peux voir Madame et tutti quanti.»

Romain si ne và à trè ori è mezu di u dopu meziornu, senza abbunassi à l’offerta pruposta da Michel è Simon.

Ani tutti u sensu di l’affari in Tempoli, quantunqua.

Lasciate un cummentu ?

Questo sito usa Akismet per ridurre lo spam. Scopri come i tuoi dati vengono elaborati.