Tempoli, tempi fà – Dicesimu capitulu «U colpu muntatu»

Tempoli, u 14 di maghju di u 2020

Michel Migalli apri cum’è tutti i ghjorni a so cantina à i clienti.

Di nascostu, o micca tuttu à fattu.

Vi ricurdeti a sirata clandestina di u 27 di marzu di u 2020?

U diavulu si hè piattatu ind’i dittaglii.

5 ori di sera

Un clienti abituatu pidda l’ascensori è fala fin’à a cantina.

Appena ghjuntu, grida « Police ».

Michel, incù una certa paura, piatta i so clienti ind’a falsa riserva è faci entra u clienti, u famosu Émile.

Di manera evidenti, era una macagna di Émile.

I clienti, piattati rivenini vers’à a sala clandestina.

U prublema veni dopu.

6 ori è 20 di sera

Un clienti fala ind’a cantina di Michel.

Clienti un pocu spiciali. Si chjama Bernard, hà 50 anni.

U so mistieru, pulizzeru.

Fala in tinuta urdinaria è pidda un colpu cum’è tutti l’altri clienti.

Ma faci qualcosa di stunanti : pidda fotò. Di chì ? Di u bar sempri in attività.

Dopu ad avè bitu un colpu, dici à Michel : « Monsieur. Je vous lance un avertissement. Fermez cette cave sinon, c’est 1000 € d’amende pour vous et 135 € pour chaque client. Vous êtes prévenu.»

Michel casca di a so carrega. A pulizza hè dunqua infurmata di l’esistenza di u bar clandestinu. Ùn pò mancu dì à i clienti di scappà chì hè statu presu annantu à u colpu, cum’è u ziteddu.

I clienti si ne vani quantunqua sott’à l’ordini viulenti di Michel.

Ma Michel ùn avia micca ghjucatu a so ultima carta.

Tempoli, u 15 di maghju di u 2020

9 ori di mani

Muriel si cunnetta annantu à Facebook è cuntatta i clienti di u bar.

U missaghju hè chjaru : « On s’est faits piéger ! Mais pas de panique, RDV à 16h dans la maison de Michel au-dessus du bar (couloirs et étages). Maxi 30 personnes par soir. Belote assurée. »

Issa sera, 20 clienti sò ghjunti ind’u bar ma micca Jackie, chì hè statu invitatu ind’è Martine « a vigia ».

7 ori di sera

Martine hà cuminciatu à pona i piatti, a zucca priparata ind’u dopu miziornu, u casgiu chjamatu « Scapitoni » (Tête de moine) è qualchi dolci pà accumpagnà u tuttu. Ben sicura, i microfoni sò anch’eddi stati priparati pà arregistrà a cunversazioni è diffusalla in u « Tuttu Tempoli », una sorta di club infurmali di parsoni intarissati da i puttachji.

U primu invitatu hè ghjuntu à sett’ori. Hè Jackie. Monica è Romain suvitani. Pà chjariscia a situazioni, Romain hè statu elettu ind’a municipalità di Tempoli pà u Fronti Suciali, sorta di FN.

U primu sughjettu di discussioni hè a vinuta di Claudine à u Brasileiro è a viulenza da a parti di Michel.

Incù u so accentu Marsigliesu, Monica spiega u so passatu : « Vous savez, en tant qu’ancienne mère maquerelle, j’ai eu à traîter avec Michel au Brésil, idem pour Joséphine, l’ancienne actrice porno ! Et ce qu’il a fait est dégueulasse ! DÉ-GUEU-LASSE! Même mon ex-mari alcoolique, François, me disait en public qu’il allait m’enterrer vivante et me laisser suffoquer. Donc bon…»

Jackie, eddu, ùn dici nudda. In realità, hè cunnisciutu pà cambià di femina cum’è di camisgia, i so ziteddi essendu di ghjà maiò. Tandu, ne pidda una ogni annu, vivi incù edda, a techja di colpi, a spiuma è a lascia corra. Hè un funziunariu di righjoni mafiosu, patronu di risturanti è di diversi intrapresi. Jackie, da mafiosu, ùn và mai à u so travaddu è hè pagatu quantunqua. À 100 %, piaceri !

Romain prova di sapenni di più annantu à a situazioni, chì cunnosci bè à Claudine. Lascia dunqua parlà Monica è Martine.

Jackie, à un certu mumentu, esci da u so silenziu : « Claudine, cette folle ! Elle revient pourquoi ? Elle savait qu’elle allait finir soit au tapin soit dans le tombeau en revenant ! Hahaha !»

Eddu pidda a difesa di Michel, incù u quali tratta pà affari mafiosi da anni è anni.

Pà cambià di sughjettu, Martine accendi a televisioni è fighjula u novu canali missu in baddu da a municipalità è a righjoni « Migrants TV », a televisioni d’estrema dritta chì diffusa prugrammi annantu à l’immigrazioni clandestina à partasi da sett’ori di sera è, sopratuttu, un emissioni chjamata « Quali l’hà visti ? », spicializzata ind’a dinuncia di i migranti chì sariani stati delinquenti ind’a righjoni. L’uppunenti à a televisioni a chjamani «Odiu TV», in referenza à u tonu radicali di i presentatori.

Martine, anch’edda eletta annantu à a lista di u Fronti Suciali, ùn si opponi micca postu chì dici tutti i ghjorni à u so vicinu : « Vé, le chintok, retourne manger tes nems à Canton avec ta masseuse! »

L’invitati, à partasi da issu mumentu, ùn parlani chì di migranti, sughjetti missu in valori dapoi à l’accessioni di u Fronti Suciali à a merria. I reti suciali sò pieni di « fake news » sicondu à quali l’invasioni migratorii purtariani à creà quattru centri di detenzioni di migranti in Tempoli, unu à Monsalviaga.

Di pettu à issi « fake news », a municipalità hà vutatu una muzioni prisintata da u gruppu di u Fronti Suciali : « Ma commune sans migrants »

Issa cartula hè l’uccasioni di parlanni in ghjiru à a tola, vistu chì una misura municipali missa in baddu cunsista à un numaru di telefunu (evucatu annantu à Migrants TV) pà denuncià una presenza di migranti vicin’à a so casa. Numaru di delazioni cunfidenziali è gratisi.

Quissa era l’idea principali di campagna di Monoga, prima di piddà a merria.

U rispastu si finisci bè, sempri annantu à a listessa tematica di i migranti.

U lindumani, Martine hà di ghjà svelatu à tuttu u so club l’indiscreti di issu ripastu. Una vera radio puttachji di i tempi muderni, issa Martine.

Ben sicura, a vita cuntinuveghja in Tempoli, ancu incù i so lati i più scuri.

Lasciate un cummentu ?

Questo sito usa Akismet per ridurre lo spam. Scopri come i tuoi dati vengono elaborati.