Tempoli, tempi fà – Terzu Capitulu : “Un ghjornu micca tantu particulari.”

Tempoli, La Jalva, u 26 di sittembri di u 2003.

Monica ghjunghji ind’u bar di Claudine.

Michel li servi à bia.

Claudine ùn senti micca bè a situazioni. In fatti, a sera prima, avia fattu i carti, essendu forti à veda u futuru.

Avia vistu una donna cunnisciuta entra ind’a so vita, donna chi li vulia mali.

Ma issa donna ùn era micca Monica, tandu.

Era Muriel, 45 anni, a patrona di u bazar di quartieri.

Dui ori di u dopu miziornu, Michel prestesta di un bisognu d’andà ind’u quartieri di Carcagnani, pà pudè andà à veda Muriel. Incù Muriel, ùn parlaia micca sulamenti di stuviglii è di prezzi ma andaia ancu più luntanu. Andaia ind’a riserva incù edda è ciò chì si passaia hè privatu è ferma gravatu ind’i muri di a riserva.

Dura da mesi. Solu Martine Malvida, alias Radio Puttachji, anziana addivatrici di muntoni, a vigia di u quartieri si n’hè accorta.

Claudine, troppu occupata ind’a cucina di u Brasero, ùn vedi nudda. È nimu ùn li dici nudda.

Tempoli, Monsalviaga, u 27 di sittembri di u 2003.

Hè a festa di u libru in Tempoli.

A presidenti di u cumitatu di a festa hè Joséphine Calduri, l’anziana televenditrici/attrici, ricunvertita ind’a scrittura di libri scientifchi.

Ma ci hè un prublemu.

A sarratura di a sala di a festa hè riempita d’incodda è a porta d’intrata hè piena d’affissi incù Joséphine in starlette di film d’azzioni annantu, ricurdendu u passatu cinematograficu  di a presidenti.

Ma quali sarà chì hà fattu issi malfatti ?

Martine, a sa. Hà vistu à Muriel, eterna ghjelosa, parta incù un saccu d’incoddi è d’affissi.

A listessa Muriel chì hè quì pà sustena à Joséphine davanti à l’intrata di a sala.

Joséphine ùn si smonta micca, fendu nici d’ùn avè vistu nunda, ùn porta mancu una lagnanza davanti à a pulizza.

Una volta i ghjurnalisti ghjunti, faci nici d’ùn avè scupartu a situazioni, avendu apartu nurmalamenti a so festa. A parsona visata ùn era micca veramenti edda ma sopratuttu Claudine, chì li ha parmissu di fà i so saloni litterarii ind’u bar-risturanti una volta à sittimana, contr’à l’avvisu di Michel.

A festa si passa bè, u merri rielettu dui anni prima veni ancu à salutà l’espunenti prisenti è faci un picculu discorsu induv’eddu insista annantu à a piazza di a cultura ind’a sucetà Tolsana è annantu à l’intarissu purtatu da a manca à u fattu culturali.

U publicu hè cuntenti d’issa mostra culturali annantu à i libri di un generu piuttostu scientificu.

Cusì, Joséphine annuncia a messa in baddu di 50 scatuli à libri in tutta a cità.

Nudda di particulari in issa fiera, dunqua.

U più difficiuli sarà l’avvena pà u Brasero, micca subitu, tandu.

Lasciate un cummentu ?

Questo sito usa Akismet per ridurre lo spam. Scopri come i tuoi dati vengono elaborati.