Tempoli, Tolsania, 14 di frivaghju di u 1995.
Claudine Zamparra hè azeza.
Azeza parchì u so mezu frateddu di merri PST, Bainzu Gossotta, merri dapoi 10 anni, hè statu dichjaratu ineligibuli fin’à u mesi di sittembri di u 1995 ed ùn hà trovu à nimu pà rimpiazzallu, eccettu edda.
Edda ch’ùn cunnosci nudda à a pulitica saria cusì merri da ghjunghju à sittembri s’è eletta, Bainzu Gossotta essendu merri pà procurazioni.
Cusì a so campagna Tempolesi hè lanciata. Ma lanciata comu ?
Ind’a so prima intarvista di campagna, data ind’u bar-risturanti u Brasero, cummencia à muscià a so incumpetenza, malgradu à u coaching di u so mezu frateddu di merri.
Quand’è u ghjurnalistu li poni a quistioni di a situazioni di i finanzi publichi, rispondi :
« Bah…je ne sais pas ! Voyez euh…avec le maire pour ce détail. Pas à moi de répondre euh…»
E quandu veni a quistioni di u PLU cancellatu, rispondi annantu à l’opportunità di finanzà novi scoli, novi associi di cantu è di sport.
Un disastru, à tal puntu chì Michel Migalli faci à lizziò à u ghjurnalistu :
« Le respect de la Femme, ce n’est pas ça, vous en avez sans doute conscience ! Vous serez cependant invité au caviar et campagne le 11 juin au soir.»
Da issa data à l’11 di ghjunghju di u 1995, ùn da più intarvisti à a televisioni.
Monsalviaga, Tempoli, 14 di maghju di u 1995.
Ùn sarà micca ripresu dui volti, u mezu frateddu Bainzu rigretta d’avè espostu à Claudine.
Dici à a radio lucali duranti à u scontru publicu urganizzatu à u Palazzu di i Rè : « Elle était tétanisée. Elle a plus l’habitude des 2/3 clients au bar de son compagnon que des caméras et des micros. Je culpabilise un peu parce qu’on a piétiné une pauvre mère de famille ».
Duranti à u scontru, Joséphine Calduri, a presidenti di u cumitatu di sustegnu di a candidatura a prisenta di una manera particulari : «C’est une femme, elle a traversé vents et marées dans son petit bar-restaurant avec son soi-disant méchant compagnon. Je vous demande d’acclamer haut et fort notre tête de liste Claudine Zamparra ».
I ghjurnalisti ani dumandatu à parlà à Claudine chi s’avvicinaia à a tribuna pà parlacci.
Risposta di u cumpagnu : « Vous allez la stresser ! Et puis je n’ai pas demandé votre avis! »
Allora, à issa tribuna, circhendu à i so parolli, hà lettu u discorsu chì u so mezu frateddu, scuseti, u so direttori di a cumunicazioni/campagna li hà cumpostu incù una certa autoderisioni.
« C’est vrai, et les médias le disent, j’ai été la plus forte de cette campagne ! J’ai été même diffusée sur les plus grandes chaînes de la Nation Tolsanienne, c’est dire l’intérêt qu’ils nous portent ! Bientôt une chaîne française, coréenne, kazakhe tant qu’on y est ! Ça les regarde ? Tutti in piazza !»
In Tempoli, i reguli sò annantu à a tola. S’è Claudine Zamparra vinci u scrutiniu, lasciarà u so mandatu à u mesi di sittembri smettendu à u so mandatu di merri pà parmetta à u so mezu frateddu ineligibuli di riprisintassi. Quissa, ind’u campu Gossotta, nudda da dì !
Un sustegnu di a prima ora si sprimi ancu annantu à a radio : « Quelle affaire ? Quelle violence ? C’est tout à fait normal, au contraire, nous sommes en démocratie ! »
I liberali, eddi, ùn la vedini cusì : « C’est du jamais vu ! Une magouille qui dessert la politique. Madame Zamparra est là contre son gré. Elle n’a rien demandé, ça c’est à cause du caractère de son imbuvable demi-frère» dici u capilista è primu uppunenti Giandiconi.
18 di maghju di u 1995, à u Brasero, mezanotti.
Sta sera, ci sò cinqui clienti chì ghjocani à a belote.
Partita animata.
Michel, chì ghjoca ind’a partita, grida annantu à l’altri ghjucadori : « Mais c’est moi qui ai l’as de carreau ! Arrête oh Jacky ! C’est l’as de carreau ò tontu ! Le jeu, il est comme ça oh Jacky ! J’ai raison Oh Jacky »
Jacky li rispondi « Oh, mamma mia ! 110 coeur ò scimò ! Comprends-le ça quand même ! »
Michel accendi a televisioni è rispondi à Jacky « Bah, t’y est le plus fort, à ce jeu ! Vas y ! »
Michel si ghjira versu à a televisoni satellitaria è vedi u genericu di un filmu d’azzioni viulenti.
Fin’à quì, nudda di spiciali.
A spicialità veni da u nomu di a prima parsona è di u nomu di u filmu : «Josine Vak». Ma quali hè issa Josine Vak ?
Josine Vak, di u so veru nomu Joséphine Calduri, nata in u 1952, hè una donna chì hè stata addivata in La Jalva. À dodici anni, friquintaia a banda di Michel. Issa banda li hà fattu tamantu prumessi di bedda vita incù eddi. Li hà suvitati fin’à l’Africa Suttana induva hè stata presa cum’è impiegata ind’a casa di Jan Van de Koops, riccu impresariu ind’u duminiu di i zoo è rializatori di film famosi.
Da u 1966 à u 1972, Joséphine passaia a spazzola a ghjurnata in Africa. A sirintina, andaia ind’una sala di un immobulu in open space. Da sett’ori di sera fin’à u cori di a notti a più bughja, andaia incù un’attrici, di u nomu di Monica, à travaddà cum’è teleuperatrici di a sucetà Van de Koops. Monica, anch’edda, vivi in Tempoli.
Riturnemu à u nosciu filmu.
Michel dici, gridendu : « Milla ! Vous la voyez la Joséphine à 18 ans ! Elle vend des trucs par téléphone ou elle tue des filcs ? Oh, Madame la Présidente du comité de soutien! »
U so clienti, Jacky rispondi : « Mì a bionda ! Oh, milla ! Ouah ! C’est son flic de mari qui doit être content de la voir en starlette tueuse à gages !»
E i clienti s’intaressani di più à u filmu chì à partita di carti.
I cummentarii suivtani i dui ori di u film.
20 di maghju di u 1995, à u bar-risturanti Brasero, deci ori di mani.
Michel apri u ghjurnali, La Robbiera Tempolisi.
Surpresa !
Qualessa a surpresa ? « Madame Josine Vak » in prima pagina.
Festiva a campagna di Madama Zamparra !
Madama a Presidenti di u cumitatu di sustegnu di a candidata Claudine Zamparra cusì musciata in attrici – 45 film – di l’anni 1970-1979.
L’affari passa annantu à tutti i televisioni naziunali. Un affari tamantu u mondu.
Ind’è l’inchiesti di pupularità, a candidata incumpetenti è piena di cazzaroli punta quantunqua fin’à a vittoria.
L’11 di ghjunghju di u 1995. A sera di u scrutiniu.
Michel Migalli, cunvucatu u lindumani à u tribunali pà affari diversi, faci nici di avè paura ind’u scagnu di votu.
I risultati sò visibuli annantu à u tavulonu, A lista « Tutti in piazza ! » di Claudine Zamparra vinci. 70%.
Claudine ùn si moscia mancu à a televisioni è ùn manda à nimu eccettu à Bainzu Gossotta annantu à i diretti di televisioni.
Hè eddu u patronu. Ne edda, ne Joséphine.
L’affari hè cunclusa dui mesi dopu.
U 29 di sittembri di u 1995.
Claudine si dimetti da u postu di merri di Tempoli, cum’è privistu à l’iniziu.
U merri Gossotta hè elettu incù 72 % di i voti un mesi più tardi è u listessu ghjornu.
Claudine ritorna à u bar-risturanti è a vita cuntinuveghja.