Risponde à la crisa demucratica — Cunferenza di L’anzianu Presidente François Hollande

U 6 di ferraghju di lu 2020 ci hè statu in l’Università Paris-Dauphine a cunferenza di lu Presidente francese François Hollande annant’à lu tema di lu so ultimu libru : Risponde à la crisa demucratica. A Rivista Tempi vi prupone oghje un picculu riassuntu di ‘ssa cunferenza.

In lu 2012, di pettu à Nicolas Sarkozy, François Hollande dichjarò ch’ellu vulia esse un presidente « nurmale ». A sapemu, ùn fù u casu : A Francia hè stata tuccata da perechji attentati terruristi in Ghjinnaghju è Nuvembru di u 2015, attacata torna una volta in Nizza per a Festa naziunale francese u 14 di lugliu di u 2016. A so presidenza hè quella di u Russia « putenta » ch’attacò l’Ucraina, quella di u Brexit è di l’elezzione di Donald Trump.

Hè grazia à tutte quelle sperienze chì l’anzianu presidente hà circatu à prupone idee per risponde, sicondu à ellu, à a crisa demucratica ch’attraversa e demucrazie occidentali, è più particularmente a Francia, primu paese tuccatu da la cullata di a strema diritta perchè u Front Nazionale hè u partitu di strema diritta d’Auropa di u Punente u più vechju.

Per un veru puteri presidenziale cun contraputeri forti

Fançois Hollande — Pigliu pusizione per una vera è franca seperazione di i puteri chì permitteria à l’assemblea naziunale d’avè un veru contruputeri di pettu à u Presidente. Ci vuleria à avviccinassi di u sistema americanu caratterizatu da une seperazione stritta di u puteri legislativu è esecutivu. Ci vuleria à « autonomizà » u Parlamente per permettellu di travaglià senza interferenza di u Presidente.

« A prima azzione d’un novu presidente, chì deve megliurà u benestà di u so populu, hè di numinà un Primu Ministru. U populu l’hà datu puteri, è a so prima azzione hè di separassi d’una parte di u so puteri. »

François Hollande : anzianu Presidente di la Republica francese

Questa riforma di l’istituzione ùn hà per scopu di dà à u presidente tuttu u puteri, ma u veru scopu seria di prutegge à u listessu tempu u presidente è u Parlamente. Prutegge u parlamente di l’interferenze di u Presidente. Prutegge lu Presidente rendendullu menu espostu à la critica cum’è hè u casu oghje. In Francia oghje, aspittemu tuttu di lu Presidente è l’omu ùn pò tuttu.

Muderatore — Ma in u sistema americanu ci hè una federalisazione. U puteri ùn hè centralizatu cum’hè u casu in Francia.

Francois Hollande — Hè vera chì ci vuleria à dà di più puteri à i gradi inferiori amministrativi. Ci vuleria à fà di più di cuuperazione frà lu presidente è u regioni. Ciò ch’hè sicura, hè chì ciò chì rende impurtante ‘ssa riforma hè l’accurtamentu di u mandatu presidenziale1In u 2000, per un referendum di l’ex-Presidente Jacques Chirac, u mandatu di Presidente hè passatu da 7 anni à 5 anni. Per sapenne di più perchè hà mudificatu tutt’i rapporti incù l’istituzioni.

Per un rinnovu di la « Manca di guvernu », pragmatica, è vicina di lu populu

François Hollande — A manca di guvernu s’è vole rinasce è riduvintà una forza pulìtica maiò deve ricreà u sentimentu cullettivu per fà rinculà l’egoismu. Deve ricreà un speranza in senu à e classe suciali per rinasce. L’avemu vistu incù e manifestazioni contru à la reforma di i sistemi di ritirate, i sindicati, i diversi gruppi di travagliatori anu riesciutu à urganizassi è difende « u so manghjà ». Mostra ch’hè pussibile per u sucialismu d’esiste, mostra chì ci hè una via per a manca di guvernu. U guvernu attuale hà troppu disprezzatu i sindicati, cum’è quellu di a CFDT2A CFDT hè un sindicatu qualificatu di riformistu, vale à dì ch’ellu hè prontu hà neguzià certe cuncessioni annant’à i diritti suciali. Ùn hè u casu di a CGT, sindicatu di manca ricusendu u « rifurmismu », è dunque s’hè intrappulatu in questa crisa suciale chì ci hè oghje.

S’ella pare pussibile chì u sucialismu puderia declinà, — perchè hè pussibile, l’avemu vistu in a Storia di i muvimenti pulitichi, certi morenu — Ma hè ancora pussibile di salvà, reinventà stu prughjettu. Per esse un’alternativa à i populisti chì puderianu piglià u puteri a prussima volta. L’avemu vistu, i populisti sò capaci di tuttu. U M5S hè statu capace d’alleassi cun a Lega di Salvini è u centrosinistra in pocu tempu.

« Ghjuventù, impegnate vi ! »

Tempi fà, quand’eru diputatu3François Hollande hè statu diputatu da u 1988 à u 1993 è da u 1997 à u 2012 m’arricordu chì c’era una parte impurtante d’operai in l’Assemblea Naziunale, c’eranu dinù, assai intraprendenti indipendenti, – elli eranu di l’altra parte di u spettru puliticu [ride]-, è dunque c’era una forma di riprisentazione di u populu. Oghje ùn ci sò più. Tutt’a ‘ssa ghjente eranu in l’Assemblea Naziunale perch’eranu impegnati in l’associi. È à un mumentu, l’impegnu associativu si trasfurmava in impegnu pulìticu.

« U veru prublema oghje hè chì i ghjuvani chì sò impegnati in l’associi ùn fanu più lu sforzu di passà da l’azzione assuciativa à l’azzione pulitica. »

François Hollande : anzianu Presidente di la Republica francese

Oghje, a ghjente ùn vole più impegnassi. È quessu, hè un veru paradossu di l’impegnu cullettivu. U veru prublema oghje hè chì i ghjuvanni chì sò i più impegnati in l’associi ùn fanu più u sforzu di passà da l’azzione assuciativa à l’azzione pulitica. U risicu, hè chì cum’è a ghjente ùn irraga più a pulìtica, ch’ella si sichi, ch’hè per me u peghju chì pudessi duvintà .

Per risponde à e dumande di u populu, chì trova u mondu pulìticu troppu corrotu, avemu limitatu u cumulu di i mandati. Ùn si pò più esse sindacu è diputatu. Allora, si, hè vera chì ci vole à rinnuvà L’Assemblea, ma u prublema hè ch’oghje ùn ci sò più « tenori di l’assemblea ». Tempi fà, quandu eiu era diputatu, c’eranu parechji capi maiò : anziani Primu ministru, anziani ministri, capi di partiti ecc. Oghje, ùn ci sò più chè 2 capi di partiti : Marine Le Pen è Jean-Luc Melenchon. A qualità di i dibattiti hè dunque peghja chì tempi fà. Per a terza Ripublica, quand’omu faccia un discorsu cusì bellu, tutt’a l’assemblea vutava una muzione per stampà u so discorsu per chì tuttu u mondu s’arricorda di ‘ssu mumentu maiò di Demucrazia. Oghje, ùn si pò più fà quessu. U dibattitu parlamentari hè seccu, ciò ch’hà datu l’opportunità à i canali d’infurmazioni à l’ accorta di prusperà. Hè un risicu per a Demucrazia.

Hè perchè ch’eiu vi ricumandu : ghjuvani, impegnate vi!

Lasciate un cummentu ?

Ce site utilise Akismet pour réduire les indésirables. En savoir plus sur comment les données de vos commentaires sont utilisées.