L’usina di Lubrizol in Rouen vole ripiglià a so actività nanz’à 2020

U 26 di sittembre una parte di l’usina Lubrizol hè stata strutta da u focu è a cità fù cuperta da una fumaccia nera di 22 chilometri.
A direzzione di Lubrizol hà vulsutu, luni u 18 di nuvembre, ripiglià l’affare nanz’a fine di l’annata, di a so usina vittima di un incendiu tamantu. I dispusitivi messi in piazza da a sucetà dipoi sta disgrazia « ci cunduce oghje à esse in misura di prisentà ducumenti di dumanda di ripresa di l’attività, pianu pianu è in securità » hà dichjaratu a direttrice generale Francia di Lubrizol, Isabelle Striga, mentre u cumitatu per a limpidità nant’à st’accidente.
« Nostra dumanda tocc’à nostr’attività simplice di mischju, attività ch’ùn anu mai postu nisun prublema di securità è chì sò senza reazzione chimica » hà dettu dinù. U prifettu di Nurmandia, Pierre André Duran, hà intesu sta dichjarazzione.
Ùn hè l’ultima volta chì i capi di Lubrizol facenu u statu di a so vulintà di apre prestu l’usina. Vennari u 25 d’uttobre, Eric Schnur, u presidente di Lubrizol Corporation, (a sucetà madre di Lubrizol Francia), avia annunziatu vulè rilancià l’usina « u più prestu pussibule ». A sicretaria di Statu incù a ministra di a transizione eculogica è sulidaria, Emmanuelle Wargon, avia allora ghjudicatu troppu allisinatu di dì chì l’usina aprerà « prestu ». « Ùn hè micca à u presidente di cuntà ciò ch’hè o ùn hè periculosu, l’analisa di i prudutti appartene à l’autorità di a salute, quelle indipendente » hà dettu.

9 505 tunnellate di prudutti brusgati

Ùn ci hè statu vittime di st’accidente. A quantità di prudutti brusgiati hè di 9505 tunnellate, in quelle, 5253t di prudutti chimichi nant’u situ di Lubrizol è 4252t di prudutti nant’u situ di Nurmandia Logistica (mentre què ci sò 1961t di prudutti Lubrizol).
À pocu pressu 2 mesi sò passati, l’inchiesta hè stata data à a parte salute publica di u tribunale di Parigi, è ùn anu ancu trovu d’induve hè partutu lu focu.

Lasciate un cummentu ?

Ce site utilise Akismet pour réduire les indésirables. En savoir plus sur comment les données de vos commentaires sont utilisées.