VERSU TIRRENU – Niculaiu Battini

Da Capicorsu à Bunifaziu
Al di là di lu Mar Tirrenu
‘Ssa regina priva di Regnu
Brama lu trattu di lu Laziu

Dice : o vechja cità di Roma
Inghjennata da tanta gloria
D’una altra scumpartimu a storia
Cum’è qualchì pisia somma

‘Ssi dui seculi d’addiu
Fecenu cresce a staccatura
Puru a stessa fede matura
Inde lu viculu nativu

Razza di geniu è di sperenza
Di li nostri fatti urgogliosi
Ne fuimu tandu ghjelosi
Di u Moru è di l’indipendenza

È po cum’è sbiri pacani
Compri da qualchì manu oscura
Tralasciaimu la cultura
Cumuna à tutti li Taliani

Di quelle versure latine
Ne vogliu sperà lu rinnovu
Fussi in Roma o in Ponte Novu
Di lingua è di fede vicine

N.BATTINI, Bustanicu, 2019.

Lasciate un cummentu ?

Ce site utilise Akismet pour réduire les indésirables. En savoir plus sur comment les données de vos commentaires sont utilisées.