LIBANU – A rivolta di u populu

Monda Libanesi hani principiatu à adduniscesi sabbatu par una terza ghjurnata di manifistazioni contru à a classa pulitica è a vita cara, un muvimentu senza paragonu dipoi molti anni ch’impedisci u paese di campà.

Malgradu un’intarvinzioni di i forzi di pulizza, à colpu di gaz lacrimogenu par sfrinà a mossa addunita stu venari sera in lu centru di Beyrouth davantu à lu casamentu ‘llu guvernu è molti arrestazioni, l’aghjenti s’ingaghjani in lu paese sanu.

A cità di Beyrouth s’assumidda à un campu di battaglia, sottu à i fumacci di rumenzuli è di vitturi incendiati à l’anuttata. 30 parsonni sò stati arrestati da i servizi ‘llu Statu.

Libanais-observe-pneus-brulerd-manifestation-contre-gouvernement-Beyrouth-18-octobre-2019_2_730_524.jpg

In li cità di u nordu, com’è Tripoli, o Nabatye in lu sudu, i mossi cresciani di più in più.
Un citatinu in prutestazioni à dichjaratu à una televisioni lucali chi nant’à sta tarra chi hè un tarritoriu di u putentu Hezbollah schiitu, chi “a lotta noscia è una lotta eternali contru à u cunfissionalisimu (…) hè colpu à la classa pulitica si campemu in la suffrenza dapoi 30 anni.” U capu di u Hezbollah hà da sprimassi in la ghjurnata.

I scoli, l’università, i banchi è l’istituzioni publichi sò stati sarrati. 

Venari sera, u Primu ministru Saad Hariri hè statu cunfruntatu à parechji brami chjamendu à la demissioni ‘llu so guvernu, chi voli fà aduprà parechji riformi ecunomichi assai impurtanti. Hà lampatu accusazioni à a co-alizioni, chi voli sicondu à iddu, impedì i so sforzi.  Li hà lasciatu 72 ori, par dichjarassi favurevuli à sti riformi.

5da9a4e8210000a615ad3308

Ghjera un scatinamentu di i Libanesi in lu carrughju, ghjovi sera dopu à a scelta di u guvernu di fà pagà i chjami telefunichi fatti incù l’applicazioni WhatsApp;

Sta mubilisazioni hè a più impurtanta dipoi i prutestazioni contru à u puteru in 2015.

Traduzioni d’un articulu di l’AFP. 

Lasciate un cummentu ?

Questo sito usa Akismet per ridurre lo spam. Scopri come i tuoi dati vengono elaborati.