Irlanda di lu Nordu, divisione è Brexit (3/3): Cricetu è Brexit

Sta seria d’articuli annantu à l’Irlanda di lu Nordu hè stata pussibile grazia à Alfons Cabrera, ghjurnalistu Freelance catalanu. Pudete scopre tutta l’opra di lu sgiò Cabrera nantu à lu so situ internet o andà puru nantu à lu so contu Instagram per vede tutti li so ritratti prufessiunali. Infine, pudete dinù visità lu so contu Linkedin per scopre u prufile prufessiunale di l’autore !

U Vennari Santu di lu 1998, catolichi è prutestanti (naziunalisti è unionisti) firmaronu un accordu chì mettia fine à li Troubles, un cunflittu armatu di 30 anni è 3500 assassini. Nundimenu, u scontru hè venutu di luntanu, è avà, 21 anni dopu, le due cumunità campanu spalle à spalle. U Brexit è la suluzione chì dà à li confini trà l’Irlanda di lu Nordu è Republica d’Irlanda metteranu à prova la sulidità di la pace.

3.1. Anarchy in the UK

L’Irlanda di lu Nordu ùn hà più guvernu dapoi ghjennaghju di lu 2017, superandu bè u precedente, detenutu da la Belgica di 20 mesi senza un esecutivu. L’accordu di lu Vennari Santu stabilì un sistema di puteri cundivisu trà unionisti è naziunalisti. Martin McGuinness, di li naziunalisti di lu Sinn Féin, lasciò lu guvernu dopu à chì Arlene Foster, un elettu di lu DUP, riffutò di dimettessi dopu à un scandalu puliticu chì significò la perdita di 540 milioni d’euro: un generosu bonus à prupositu di l’energie rinnuvellevule chì incuragì la ghjente à riscaldà casali vioti per guadagnà suvenzioni fraudate. C’eranu elezioni è le due parti più votati sò stati li stessi. La situazione ùn hà cambiatu.

La politica in Irlanda di lu Nordu ripusa in grande parte annant’à la disputa territuriale (chì u sughjettu ùn hà avanzatu è hè sempre à lu listessu puntu) è tutte le elezioni funzionanu anche in isti termini. In le elezioni di lu 2017, dopu à la caduta di lu guvernu, u DUP era la prima forza è u Sinn Féin u secondu, cum’è sempre fù u casu, ma ist’ultima volta u Sinn Féin era pocu più di un miliaiu di voti per vince le elezioni regiunali per la prima volta. Si sà chì in le elezioni lucali è in le elezioni auropee di maghju u Sinn Féin avia stagnatu, tuttu suggerì chì da quì à pocu li naziunalisti saranu in maghjurità. La ragione: i catolichi anu più figli chì li prutestanti.

« Ci serà un’inversione demugrafica. Questu hè significativu, ma hè dinù scuncertante ». John Coakley hè professore di Scienze pulitiche à la Queen’s University di Belfast, induve hè studenti di tutte le cumunità (« Devi esse attenti »). « Trà li prutestanti, quasi nissunu vole l’unità di l’Irlanda. Invece, a pusizione di li catolichi ùn hè simmetrica. Dapoi lu 2007, sempre più catolichi sustengnenu l’unità (cun u Regnu Unitu). Anche s’è li partiti naziunalisti ottenenu risultati migliori cumparati à li partiti unionisti, li so elettori ùn sustengnenu la pusizione ufficiale di lu partitu. Solu la metà d’elli volenu l’unità di l’Irlanda « . Mentre queste pruiezioni ùn sò piacevuli per quelli chì volenu riunì l’Irlanda, u professor Coakley piglia nota: « Certi fattori esterni ponu avè un impattu enorme. Prima di tuttu, hè la Scozia. S’è la Scozia diventa indipendente, poi immaginà cum’è seria la mappa di lu Regnu Unitu. Ciò significheria prubabilimente un impattu psiculogicu perchè la maghjora parte di i lealisti hà antenati scozzesi. È u secondu fattore, ben sicuru, hè u Brexit « .

3.2. Un paradossu per lu nazionalistu banale

La prima conseguenza di lu Brexit in Irlanda di lu Nordu hè chì la bandera britannica sventulerà à la casa cumuna di Belfast diciasete ghjorni l’annu, invece di diciottu, quandu u Ghjornu di L’Auropa ùn serà più celebratu. Anche s’è lu Regnu Unitu u Brexit hà vintu cun lu 52% di li voti, li risultati in le diverse nazioni di l’unione sò stati disuguali. In Scozia è Irlanda di lu Nord c’eranu rispettivamente lu 62% è lu 56% di li voti per Remain. Le due regioni incù impurtanti muvimenti separatisti sianu quelli chì volenu firmà in l’Unione Auropea ùn pò ch’esse un paradossu per un naziunalistu cun un statu. Di conseguenza, In l’Irlanda di lu Nordu li naziunalisti anu vutatu soprattuttu per firmà in l »Unione Auropea, micca li lealisti. Tuttavia, S’è lu Remain hà ottenutu lu 56% di sustegnu, hè perchè certi unionisti sò riluttanti à lascià l’Unione Auropea.

Ciò ch’hà da seguità in Irlanda di lu Nordu è à li cunfini incù la Republica d’Irlanda hè unu di li temi più cuntruversi in li trattattivi di lu Brexit. Oghje, quandu attraversi li cunfini da lu meziornu, si vede solu trè cose : un segnale stradale per privene chì li limiti di velocità sò espressi in miglia à l’ora, li prezzi calanu è lu gaelicu irlandese passa da aneddoticu à quasi inesistente. I naziunalisti si opponenu à « hard » cunfini, cun cuntrolli è custumi, perchè puderia mette fine à la libera circulazione di beni è persone (chì hè garantita da l’Accordu di lu Vennari Santu). Per li lealisti, tuttavia, « soft » cunfini sò inaccettabile perchè, secondu à elli, un’unione ecunomica de facto seria lu primu passu per infine l’unione pulitica.

Tuttavia, anche prima chì lu Brexit sia in effettu, le so cunseguenze sò già state nutate. Secondu l’accordu di pace, ogni cittadinu di l »Irlanda di lu Nordu pò sceglie la naziunalità britannica o la naziunalità irlandese o li due. E richieste di passaportu irlandese si sò multiplicate per 20 dapoi lu referendum annant’à lu Brexit. Hè troppu prestu per sapè quantu di isti lealisti ci sò, per ragioni pratiche, anu dumandatu la cittadinanza irlandese, in futuru è anche per ragioni pratiche, susterrianu forse l’unità di l’Irlanda. Certi militanti di lu Sinn Féin avà dicenu cun allegria, chì volenu un referendum da quì à 5 anni.

3.3. U Terrinonu

« S’è c’era un referendum, ci sarianu certi unionisti chì pigliarianu le armi ». Brian Ervine hè un scrittore, un analistu puliticu è un insegnante in pensione, è un decinnu fà, era u capu di li lealisti di manca di lu PUP. In una chiesa prutestante in Dublin Road, dà lezioni d’inglese gratisi per stranieri, è dopu à la lezione serve lu caffè è snack. Certi naziunalisti vedenu li prutestanti cum’è li figlioli di le colonie: « Quellu hè statucentinaia è centinaia di anni fà. U cunflittu quì hè vechju. Ùn l’avemu creatu, simu nati in lu mezzu di questa situazione. Ùn aghju sceltu induve nasce; nè i naziunalisti « .

Qualchì ghjorni fà , u 12 di lugliu era lu 329ismu anniversariu di la vittoria di lu rè prutestante Guglielmu d’Orange annant’à lu rè catolicu Giacumu II in la battaglia di lu Boyne. L’undicesima notte, culussali fochi di festa sò messi da li prutestanti in tutta l’Irlanda di lu Nordu, è lu ghjornu dopu, l’Ordine di Orange marchja triunfalmente per le strade, accumpagnatu da bande lealiste (u lealisimu hè u bracciu radicale di l’unionisimu) chi fanu marchje militari è cantanu canzoni tradiziunali d’esaltazione di le vechje vittorie di pettu à li catolichi. Catolichi, vi pare chjaru , ùn li piace, è finu à pochi anni fà c’eranu scontri quandu le parate attraversaronu li so quartieri. Hè statu regulatu avà: la marchja pò passare attraversu le aree catoliche, ma micca la folla, è l’unica musica cunsentita hè un battitu di la batteria murbida ogni pochi secondi. Quandu si avvicinanu queste date, assai catolichi lascianu la cità, mentre li prutestanti la piglianu è la vestenu (è si vestenu) in aranchjone è in li culori di la bandera britannica. Anche s’è si tratta di un eventu di famiglia, mentre attraversa lu dominiu lealistu di Shankill, l’atmosfera hè à metà strada trà un film di Ken Loach à un cortile di la prigiò. È ce ne sò cusì tanti, chì in mezzu à tutti si pò capì un po’ lu perchè di tuttu. Cum’è vanu l’eventi in lugliu hè sempre un bonu modu per misurà lu statu di lu cunflittu.

L’attenzione di li media dapoi 2 settimane era principalmente à prupositu d’una pulemica annant’à la suppressione di pneumatichi da li fochi è à prupositu di la suppression d’un focu vicinu à un situ pruibitu. L’ultimu ùn fù sgaggiatu: hè statu dettu chì paramilitari era in mezz’à li trattativi (per dillu di manera muderata). Ce n’eranu di più tituli : un hoax à prupositu d’un bomba falsa vicinu à la strada di la parata d’Orange Derry, un omu feritu è gravamente feritu perchè hè catolicu, la pulizia sottu à l’attaccu cun molotov lampati in quartieri catolichi … Anche s’è un ritornu di li problemi parenu imprubabile, la nurmalità hè pare tutta imprubabile anch’ella.

3.4. Tuttu cambia

« Quandu pigliu la vittura, mi ricordu sempre di l’area di Belfast induve sò. Quandu eru ghjuvanu, s’è fossi statu in un locu sbagliatu in u mumentu sbagliatu, avà seriu mortu « . Brian Ervine hè entratu in pulitica pocu dopu à la morte di lu fratellu David. David Ervine hè stato unu di li leader di l’UVF per li Troubles è hè guidatu lu PUP in tempu di pace. Era unu di i neguziatori di l’accordu di lu Vennari Santu. Da l’altru latu di lu tuvulu, persone cum’è Martin McGuinness è Gerry Adams avinau percorsu la stessa strada, da l’armi à la pulitica. Assai partiti pulitichi in l’Irlanda di lu Nordu anu le so radiche in li gruppi paramilitari.

« Ùn pudemu dì chì l’accordu di lu Vennari Santu avia risoltu lu prublema », dice Brian Ervine. « Trascese lu problema ed rispinghjì la questione custituziunale. Questu prublema hè s’è l’Irlanda di lu Nord duveria firmà parte di lu Regnu Unitu o duveria esse unita à lu restu di l’Irlanda. È questu ùn hè statu risoltu sin’à avà ».

21 anni fà, catolichi è prutestanti anu firmatu un pareghju, ma ùn seguitarà cusì per sempre è lu passatu torna sempre, tragicu. « S’è ùn avessi credutu in lu Cristu, avà averiu sangue annant’à le mo mani ».

Leghjende di li ritratti, in inglese

PHOTO 3.1. Two men hang the British flag in a unionist neighborhood in East Belfast. The weeks before the main Orange Walk, national symbols (and also sectarian symbols) multiply. / Alfons Cabrera

PHOTO 3.2. The Orange Walk on 12th July commemorates the victory of Protestant King William of Orange over Catholic king James II at the Battle of the Boyne in 1690. / Alfons Cabrera

PHOTO 3.3. The night before the main Orange Walk, the Eleventh Night, bonfires made of pallet mounts as high as 30 meters are burnt (in some cases, whith Nationalist symbols burnt with it), and parties take place around the fire. / Alfons Cabrera

Lasciate un cummentu ?

Ce site utilise Akismet pour réduire les indésirables. En savoir plus sur comment les données de vos commentaires sont utilisées.