À e funtane

Hè quandu l’altrò ti chjama
Ch’è tù brami u to paese
Un anticu fundamentu
Per e to sperenze accese

Hè quandu l’altrò ti chjama
Ch’è tù cerchi un altru scalu
Un portu d’acqua ridente
È un novu celu chjaru
È un novu celu chjaru

Cambiarè forse dumane
Di camini per andà
Ma ritorna à e funtane
Chì t’anu vistu ingrandà

Hè quandu l’altrò ti chjama
Ch’è tù brami una casuccia
Quella d’a to ghjuventù
Chì cum’è un sole sbuccia

Hè quandu l’altrò ti chjama
Ch’una pagina hè à scrive
Un altru librone à apre
Sguassà e cunfine, e rive
Sguassà e cunfine, e rive

Lasciate un cummentu ?

Ce site utilise Akismet pour réduire les indésirables. En savoir plus sur comment les données de vos commentaires sont utilisées.