E Vacche Tufunate

Hè a storia di un stabilimentu chjosu, 6 vacche chì stanu tutte in un chjostru incù una spezia d’affare d’à pocu pressu 15cm nant’u è nentru u corpu, dopu in la video ci hè un tecnicu chì vene aprelu cù una chjave, face un prelevamentu eppò chjode l’affare chì pare esse una piccula caterazza. 

Quest’affare hè fatta di manera regula in Saint Symphorien in Francia, in una stazione sperimentale di l’intrapresa di l’alimentazione animale Sanders.

 ‘Sse fiure di vacche incù tufone anu fattu u giru di u mondu in feraghju è maghju è risortenu torna avà, è sò state ottenute da l’associu L214. Sti tufone permettenu un accessu direttu à u stomacu di a vacca per guardà è studià a so digestione. Una pratica poca cunnisciuta ma assai anziana, perchè esiste un ducumentariu di L’INA fattu in 1970 duv’elli prisentanu ste manere di fà

Oghje sò una decina d’animali in Francia à esse cuncernati. Incù quattru stacche distinte di stomacu, e vacche anu un funziunamentu digestivu assai cumplessu. D’altri laboratorii di ricerca in u mondu utilizeghjanu st’animali tufunati, cum’è in Svizzera, à u Canada o à i Stati Uniti. Dopu à avè cuntattatu à ‘Avril’, a casa principale chì gestisce st’affare, hà dettu chì e spirienze sò sottumesse à a validazione d’un cumitatu d’ettica è chì l’ugettivu hè di rimpiazzà da quì à 2025 a maiò parte di l’analise nant’à l’animali da usi alternativi.

L’INRA assicureghjanu ch’elli ùn danu micca animale à centri privati è chì travaglianu à sviluppà altre tecniche cumè pè esempiu, stomachi artificiali o apparechji elettronichi tracannati da l’animali, pè analisà u tubu digestivu. Ma d’appressu à Jean baptiste Coulon, ‘sse tecnulugie ùn permettenu micca di fà un usservazione precisa.

Ma nimu ci dice chì e vacche ùn soffrenu di sta pratica, mentre o dopu à l’interventu o u fattu di piglià medicine.. Pè l’associu L214 tuttu què hè una mutilazione, ma mostra bè cum’è no trattemu l’animali è à cosa ghjovanu fora di u cumerciu. Anu provu à sciaccà una lagnanza per fà pianta ste pratiche, videremu s’ella viaghja.

Vergogna

Lasciate un cummentu ?

Ce site utilise Akismet pour réduire les indésirables. En savoir plus sur comment les données de vos commentaires sont utilisées.