A Finale di a Lega Auropa

A scelta di u stadiu di Bakou in Asia chì accoglie a finale di a lega Auropa di ballò, hè stata fatta da u cumitatu esecutivu di l’UEFA in 2017. Trè anni nanzu, era presidente Michel Platini è avia offertu à Ilham Aliev parechji matchs di l’Euro 2020, urganizati in 13 cità d’Auropa. Dopu à què, in 2013, a SOCAR, cumpagnia petruliera è gasaia di l’Azerbaijan, hè diventata un sponsor maiò di l’UEFA.

Cumè l’hà dettu Jürgen Klopp, a prubabilità chì una squadra vicina à Bakou sia in finale era assai debule. A capitale di sta republica cundivide una fruntiera incù l’Iran è si trova un pocu à u livante di Bagdad. In tutte ‘sse cità, e più vicine sò à menu di quattru ore d’afiò cumu pè esempiu Istanbul o Moscù, eppò a finale si farà à 11ore di sera lucale pè esse diffusa in Auropa in “prime time“. Dui anni dopu, l’UEFA si trova appena baullu perchè e duie squadre sò di Londra è anu da ghjucà u 29 di maghju in Bakou.

I sustenidore di Chelsea è di Arsenal anu realisatu ch’ùn puderanu tutti esse prisente pè a finale. In più di quessa ùn ci sò micca voli diretti da Londra à Bakou a simana di a finale dunque rivene assai caru u viaghju fora di quelli chì volenu stà una simana di più pè visità Bakou. O ci vulerebbe à piglià u trenu fin’à Bakou pè pagà menu ma pigliarà quattru ghjorni. È pè a vittura, listessu casticu. 

Ma l’inglesi sò cunnisciuti pè esse assai fidi è suvità i so ghjucadori in Auropa è dunque anu pigliu tutt’e piazze dispunibile. Ma dopu anu rimarcatu chì l’UEFA avianu privistu chè 6 000 biglietti pè ogni squadra in un stadiu chì face guasi 70 000 piazze.. Menu di un bigliettu annantu à 5 sarà dunque dispunibile.

Sta volta si ne sò scurdati di u publicu, è ùn hè abitudine soia. U 29 di maghju à l’uccasione di u cumitatu esecutivu di l’UEFA chì si tenerà à Bakou, si sceglierà un prezzu massimu pè i biglietti chì cumpraranu i sustenidore inglese 

Quist’annu e squadre inglese anu riesciutu à esse finalisiti di a lega Auropa è di a Lega di i Campione. Anu mustratu dinù chì tuttu hè pussibule quandu si ghjoca à ballò. 

Passate una bella stonda guardendune una o forse duie, è prufittate chì forse sarà l’ultima volta, quale a sà..

Lasciate un cummentu ?

Ce site utilise Akismet pour réduire les indésirables. En savoir plus sur comment les données de vos commentaires sont utilisées.