Certi chjamani issa ricetta « A Suppa Toscana ».
Sulamenti cumpostu da ligumi secchi (fora di a cipodda è di a salumeria), issu piattu cunsistenti vi aiutarà à manghjà di manera pocu custosa (3€ pà 4 parsoni).
Vi ci voli (pà 4-5 parsoni) :
– 125 grammi di mezi-pisgi secchi : 40 centesimi.
– 125 grammi di fasgoli secchi rossi (o bianchi) : 50 centesimi
– 125 grammi di lintichji rossi (o bianchi) : 40 centesimi
– 1 rittangulu di brodu : 10 centesimi
– 30 grammi di salsiccia : 50 centesimi
– 2 cipoddi : 60 centesimi
– 2 cuchjari à suppa d’oliu di girasoli : 15 centesimi.
– 1 litru d’acqua : 1 centesimu.
– Una cazzarola.
– Un pocu di sali
Feti rivena i cipoddi in una cazzarola à focu mediu incù 2 cuchjari à suppa d’oliu di girasoli.
Aspitteti chì i cipoddi siani culurati.
À cantu, feti scaldà un litru d’acqua incù un rittangulu di brodu, dendu cusì un brodu. Devi essa buddenti.
Quand’è i cipoddi sò ben culurati, mittiti i lintichji, i fasgioli è i pisgi in a cazzarola, aghjusteti à u vosciu brodu buddenti è 30 grammi di salsiccia à picculi pezzi. Feti cocia à focu mediu duranti à 90-100 minuti à focu mediu.
Feti attinziò : gireti u mischiumu ogni 7/8 minuti è fighjuleti à a cunsistenza. S’è l’acqua veni à mancà, aghjusteti acqua freta fin’à chì ci sia à u menu 1 cm d’acqua pà ricopra i ligumi secchi. Ripiteti à l’uperazioni.
A cusistenza ùn devi micca essa quidda di una suppa ma qualcosa d’assai cunsistenti incù un pocu di liquidu, quantunqua.
Quand’è i fasgioli sò moddi assai è chì vi pari prontu, pudeti serva u tuttu incù à pinuccia di sali.
Serviti à i vosci invitati.
Bon appititu !