I prucessi di i capi indipendentisti Catalani

 

U prucessu di dodeci capi indipendentisti, incù l’anzianu vice presidente di Catalogna è ministri regiunali, s’hè apertu eri è durarà trè mesi. Sò ghjudicati pè a so cuntribuzione in a prova di secessione d’uttobre 2017. Stu prucessu hè sottu tensione, cum’hà dettu Carlos Lesmes, presidente di a Corte Supremu, ch’hà da ghjudicà l’affare à partesi di dece ore, “ ghjè u prucessu u più impurtante ch’avemu urganizatu dipoi u ristabilimentu di a demucrazia“.

Sarà trasmessu in direttu à a televisiò è per què sò accriditati più di 600 giurnalisti spagnoli è strangeri. U ghjudiziu sarà resu in Lugliu. I separatisti dinunzianu un prucessu puliticu è anu chjamatu à manifestà in Barcelona, marti, à 7ore di sera.

Risicheghjanu fin’à 25 anni di prigiò. U bersaghju principale hè l’anzianu presidente Catalanu Carles Puigdemont, chì hà scappatu in Belgica, è ùn participerà micca in veru puru s’ell’hè accusatu. L’attore principale sarà dunque Oriol Junqueras anzianu anzianu Presidente. Per l’ondeci altri, e pene vanu di 7 à 17 anni, in st’ondeci di legenda ci hè l’anziana presidente di u putere catalanu, parechji ministri regiunali è i respunsebuli d’associ putente indipendentiste, ANC è Omnium Cultural. 9 accusati saranu allippati pè ribellione, in più di u delittu di sviamentu di soldi publichi pè 6 di i 9, è certi sò dipoi l’annu passatu in detenzione tempuranea.

Un referendum ghjudicatu cum’è illegale. Dopu à avè urganizatu u primu d’uttobre di 2017 un referendum d’autodeterminazione pruibitu da a ghjustizia, i separatisti avianu rivendicatu u 27 d’uttobre una republica catalana indipendente ch’hà pruvucatu una crisa di e più grave ch’hà cunnisciutu a Spagna. A quistione di a viulenza hè à mezu à u prucessu, u capu d’accusa cuntestatu di ribellione suppunendu l’esistenza d’una mossa viulente. Pè u tribunale a risposta hè pusitiva, l’accusati anu in più “chjamatu a ghjente à participà à u referendum di u primu d’uttobre allora chì sapianu i risichi“.

L’indipendentisti cuntestanu sta versione, elli dicenu chì a sola viulenza hè stata quella di a pulizza u ghjornu di u referendum, è anu prove perch`è e figure anu fattu u giru di u mondu. I ghjuristi sò mizati, à un tal’puntu chì u riprisentente di l’interessi di u statu accusa sola l’accusati di sedizione è riclama, pene di dodeci anni à u massimu.

Un sugettu assai frescu è caldu à tempu, a quistione di a Catalogna face sempre dibattitu puru un annu dopu. Dumenica, millaie di parsone anu manifestatu à Madrid à a chjama di a diritta è a strema diritta di Vox contru à u sceffu di u guvernu sucialistu di Pedro Sanchez, accusatu di “alta tradimentu“ pè avè parlatu incù l’indipendentisti.

Affare à suvità…

Lasciate un cummentu ?

Ce site utilise Akismet pour réduire les indésirables. En savoir plus sur comment les données de vos commentaires sont utilisées.