L’agricultura biulogica in Corsica in qualchì ciffri

In sti tempi d’alizzioni pà a camara d’agricultura, vulemu dà un’ochjata à l’agricultura biologica di Corsica è i so ciffri, una filiera pocu cunnisciuta. Trà l’addevu, l’urtulime, l’arboricultura… À chì ni semu ?

Prima di tuttu chì hè l’agricultura biolugica ? Hè un mudellu di produzzione chì adopra manere di cultivà è d’addevà chì si primureghja di u rispettu di l’equilibri naturali, ch’ùn adopra micca i produtti chimici di sintesi, l’UGM (Urganisme Geneticamente Mudificati) è circuscrive l’adopru d’altri produtti eccedenti…Ciò chì riduce e polluzione chì ponu esse inghjennate da l’agricultura cunvenziunale, à u nivellu auropeanu ci sò parechji segni di qualità (AB auropeanu, AB francesu, « Bio cohérence »…). À u nivellu lucale ci hè u labellu « Bio di Corsica ».

L’agricultura bio in Corsica in 2017 era 394 agricultori, in 2016 era 322 agricultori dunque + 23% in 2017. Pà 2018 e previsione eranu di 19 produttori bio in  « vegetabili » in più, e 10 in « animale », à u nivellu fundariu era 18 025 ettari in bio, in 2017 è sempri sionte e previsione pà 2018 era 1 820 ettari in più. Pà a filiera apicultura ci sò 11 apicultori in bio, pà a filiera capruna 8 spluttazioni pà 588 capre in bio, pà a filiera misticciu/cereale 8 spluttazioni pà 97 ettari, in urtulime 64 produttori cù 78 ettari in bio, in arboricultura fora di l’agrumi è l’alivu ci sò 1017 ettari cù 158 produttori bio, in agrumi ci sò 270 ettari  cù 43 produttori bio, in uleicultura 290 ettari cù 19 produttori sempri in bio.

Cù sti ciffri, pudemu vede chì in Corsica l’agricultura biulugica hè di più in più impurtante. Avali basta à u cunsumadore corsu di fà un sforzu pà manghjà lucale è bio !

Articulu scrittu da u ghjovanu cuntributori Anto Petru Giocanti!

Lasciate un cummentu ?

Ce site utilise Akismet pour réduire les indésirables. En savoir plus sur comment les données de vos commentaires sont utilisées.